اسلام آباد۔ 19جولائی (اے پی پی) جہانی مالیاتی فنڈ(آئی ایم ایف) پارینے کہ کوویڈ۔ 19نا دین آن پد جہانی کہول آ اِراوڑنا زرگزرانی بحالی مننگ ءِ۔ آئی ایم ایف تینا بلاگ اٹی پارینے کہ جہانی کہول آ بے بریبراقتصادی بحالی نا مون ءِ توننگ کن جہانی برادری نا سخت کوشست آتا گرج ءِ۔ دنیا نا چندی ملک آتے ٹی کورونا ویکسین نا دوئی، افراط زر انا کچ اٹی تضاد وراج انا زہمی تپہ غاتے کوویڈ۔ 19آن رکھ فراوان کننگ نا بابت مالی کمکاری نا کچ اٹی پرخ انا سوب آن بے بریبر اِراوڑنا زرگزرانی بحالی مننگ ءِ۔ آئی ایم ایف جی۔ 20تون اوار مچ آ دنیا نا پالیسی سازآتیازور شاغانے کہ زرگزرانی مشکل آتا داساہت اٹ جامع حکمت عملی نا رداٹ پالیسی اس جوڑ کننگے تانکہ مچ آ دنیاٹی کورونا نا جہانی دین انا سوب آن ودی مروک آ زرگزرانی بے بریبری نا چٹفنگ ءِ پک کننگ تون اوار اوار اسہ وڑ اقتصادی شرح نموکن چاگڑد اس ودی کننگ مریک۔ جہانی ادارہ دا بابت سلاہ پیش کرسا پارے کہ جہانی برادری ءِ مرے کہ کورونا دین انا چٹفنگ کن جہانی کہول آ شریداری ءِ پک کننگ تون اوار اوار زرگزرانی بحالی نا رکھ و دنیا نا چندی ملک آتے ٹی دین آن زیات زہمی تپہ غاتا کمکاری کن اسیجائی گام گیج آتے پک کننگے۔