اسلام آباد۔ 19جولائی (اے پی پی) کسٹمز ریجن (قطبی) نا کسٹمز ڈیوٹی محصول آک تدوک آ مالی سال 2020-21ء ٹی ہدف آن 33 درسد زیات مسنو۔ فیڈرل بورڈ آف ریونیو(ایف بی آر) نا رپورٹ نا رداٹ ایف بی آر نا کسٹمز ریجن(نارتھ) اکن تدوک آ مالی سال اٹی کسٹمز ڈیوٹی محصول آتا ہدف 17.524ارب روپئی مقرر کننگاسس۔ داٹی کسٹمز ریجن(قطبی) کسٹمز ڈیوٹی نا مد اٹی 23.334ارب روپئی نا وصولی کرینے۔ ہنداوڑ تدوک آ مالی سال اٹی کسٹمز ریجن (نارتھ) ہدف نا مقابلہ ٹی 5.810ارب روپئی یعنی 33 درسد زیات کسٹمز ڈیوٹی محصول وصول کرینے۔ رپورٹ نا رداٹ جون 2021ء ٹی کسٹمز ڈیوٹی محصول آتا مد اٹی ہدف نا مقابلہ ٹی 48درسد زیات وصولی کننگانے۔ رپورٹ نار داٹ جون 2021ء کن ایف بی آر نا کسٹمز ریجن قطبی کن کسٹمز ڈیوٹی محصول آتا 1554ملین روپئی ہدف مقرر کننگاسس ولے جون 2021ء ٹی کسٹمز ریجن قطبی نا کسٹمز ڈیوٹی نا مد اٹی وصولی 2298ملین روپئی اسکان سرمس۔ ہنداوڑ جون 2021ء ٹی کسٹمز ریجن (نارتھ)ہدف نا مقابلہ ٹی کسٹمز ڈیوٹی نا مد اٹی 744ملین روپئی یعنی 48درسد زیات خراج وصولی کرینے۔ یات سلے کہ تدوک آ مالی سال اٹی جولائی آن جون 2020-21ء ٹی کسٹمزریجن(نارتھ) چندی خراج و ڈیوٹی تا مد اٹی 55ہزار 477ملین روپئی نا خراج وصولی کرینے۔

متعلقہ مضامینمصنف کی طرف سے مزید