اسلام آباد۔18جولائی (اے پی پی):اوگان سفیر ءِ جنکیں زھگ ءِ بیگوارہ بوھگ ءِ کیس ءَ را گڈی سیم سر اں تاں سر کنگ بیت ملزم آناں زوت کانود ءِ پنجگ آں آرگ ءُ کبس ءَ کنگ بیت، تپشیش ءِ تہ ءَ گیش ترندی کنگ بوھگ ءَ انت، ءُ امیت انت کہ یک دو روچ ءَ تاں ایش سرجم کنگ بیت، بھارت ءِ سوشل میڈیا ءَ اے کیس ءَ را باز چیلک داتگ ءُ بھارتی سوشل میڈیا ءَ کوھنیں اکس آناں 16 جولائی ءِ اے واکیہ ءِ گوما بندوک کنگ ءِ کوشست کتگ ایش سرجمیں رنگ ءَ زیادتی ات، بھارت پاکستان ءِ ھلاپ ءَ چست ءُ ایر آنی تہ ءَ دست مانجن انت، بنجاھی وزیر شیخ رشید احمد ءَ یک شمبے ءِ روچ ءَ کانفرنس ءَ گوں گشتانک دیان ءَ گوشت کہ اوگان سفیر ءِ زھگ وتی گس ءَ چہ پیدل مارکیٹ ءَ شتگ، آھوادا آئی ءَ ٹیکسی ءِ گپتگ ءُ کھڈا مارکی ءَ اتکگ، ءُ پدا آئی ءَ یک دگہ ٹیکسی ءِ وسیلگ ءَ راولپنڈی ءِ یک شاپنگ مالے ءِ ڈن ءَ پج اتگ ایشی ءِ فوٹیج مئے کرا است انت۔ آئی ءَ گوشت کہ اوگان سفیر ءِ جنکیں زھگ راولپنڈی ءَ چہ دامن ءِ کوہ ءَ شتگ اے ھوالگ ءَ تپشیش جاڑی انت آ آھوادا چتور سر بوتگ۔ اے ھوالگ ءَ ما کمو شش ءُ پنچ ءِ توک ءَ آں۔ وزیر ءِ تہی کار ءَ گوشت کہ شپ ءِ دو کلاک ءَ اوگان سفیر ءِ زھگ ءِ بیگواہ بوھگ ءِ بابت ءَ نبشتانکی رنگ ءَ دزبندی رستگ ایشی ءَ چہ پد ملزم آنی ھلاپ ءَ پاکستان پینل کوڈ ءِ دفعہ 365، 354، 506 ءُ 34 ءِ چیر دستی ءَ کیس درج کنگ بوتگ۔ آئی ءَ گوشت کہ مزن وزیر عمران خان ءَ پنت ءُ شون کتگ بوتگ کہ اے کیس ءَ را زوت گڈی سیم سر آں سر کنگ بیت۔ وزیر ء، تہی کار ءَ گوشت کہ اوگان سفیر ءِ زھگ راولپنڈی ءَ چہ دامن ءِ کوہ ءَ تاں چتور شتگ اے ھوالگ ءَ تپشیش کنگ ءَ آں بیگاہ ءَ تان امیت انت کہ اے جیڈھ ءَ را گیوار کناں۔ یک دگہ جستے ءِ پد ءَ وزیر ءِ تہی کارر ءَ گوشت کہ اسلام آباد ءُ راولپنڈی ءِ پولیس ءِ یکجائی کار رپک ءُ رھبند ءِ رد ءُ بند دیگ ءَ آں تانکہ ملزم آنی گر ءُ دار دل یکیمی بوت بکنت۔
