اسلام آباد۔18جولائی (اے پی پی):داسو پراجیکٹ ءِ سر ءَ کار کنوکیں چینی کمپنی ءَ پاکستانی مزدگر آناں کشگ ءِ نوٹس ءَ را واپس زرت۔ چینی کمپنی زوت داسو پراجیکٹ ءِ سر ءَ جوڑیشی کار ءَ را دوارگ بندات کنت۔ ترجمان واپڈا ءَ گوشت کہ داسو پراجیکٹ ءِ سر ءَ کار کنوکیں چینی کمپنی چائنا گزوبہ گروپ کارپوریشن (سی جی جی سی) ءَ پاکستانی مزور آناں نوکری آں چہ کشگ ءِ نوٹس ءَ را واپس زرتگ ءُ کمپنی زوت داسو پروجیک ءِ سر ءَ جوڑیشتی کار ءَ را دوارگ بندات کنت۔ یک شمبے ءِ روچ ءَ وتی بیان ءِ تہ ءَ آئی ءَ گوشت کہ داسو واکیہ ءِ مٹ ءَ سول انتظامیہ، واپڈا ءُ چینی کمپنی ءَ وت مہ وت شور ءُ مشور ءَ وں کار لستیں روچ آنی واستہ مھتل داشتگ۔ پراجیکٹ ءِ سر ءَ کار ءِ بندش ءِ مول ءُ مراد رکھینگی گامگیج ءُ ایندگر جیڈھ آناں نوک سر ءَ مھکم کنگ انت۔ آئی ءَ گوشت کہ اے ساھت ءَ واپڈا ءِ کارندہ چینی کمپنی ءِ کارندہ آنی گوما یک شل ءَ نزیکی بکن انت ءُ واپڈا ءِ کوشست آنی مول ءُ مراد داسو پراجیکٹ ءِ سر ءَ جوڑیشتی کار آناں زوتاں زوت برجا ئی انت۔
