اسلام آباد۔17جولائی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ اوگانستان ءَ ھما وھد ءَ تاں ایمنی برجا بوت نہ کنت تاں وھد ءِ توامیں پارٹی یکجائی ءَ مہ نند انت، اوگانستان ءَ ایمنی برجا بیت گڈا سرجمیں پڑے معیشت مٹ بیت، پاکستان اوگانستان ءِ توک ءَ پینگ ناں ایمنی ءِ واستہ کرد پیلو کنگ ءَ انت، اوگانستان ءَ لستیں چیز دہلی ءَ گوں یکوئی لوٹ ایت، اوگانستان ءِ سیم سر دہلی ءَ گوں ناں پاکستان ءَ گوں مل انت۔ جندی ٹی وتی ءَ گوں تران کنان ءَ بنجاھی وزیر اھوالکاری ءَ گوشت کہ مزن وزیر عمران خان ءَ قبائلی الس آنی گہبود ءِ نیمگ ءَ دلگوشی دات، پختونخوا ءِ ھوار بوھوکیں ضلع آنی دیمروئی ءِ واستہ اے بجٹ ءَ چہ 54 ارب کلدار ایر کنگ بوتگ۔ آئی ءَ گوشت کہ سوویت یونین ءَ وھد ءِ کابل ءِ سر ءَ ارش کتگ ، مارا چہ جست نہ گپتگ بلے رند ءَ سوویت یونین کابل ءَ چہ واپس شتگ ءُ سرجمیں بار پاکستان ءِ سر ءَ لڈگ بوتگ، ایشی ءَ چہ پد اسامہ بن لادن ءِ جیڈھ بوتگ ایشی ءِ بار ھم پاکستان ءِ سر ءَ لڈگ بوتگ۔ آئی ء۔گ وشت کہ ما اوگانستان ءِ الس آناں وتی برات پھم اتگ، 50 لکھ ءَ چہ گیش اوگان آنی مہمان جھلی کتگ۔ آئی ءَ گوشت کہ لڈ ءُ بار کنوکیں اوگان آنی زھگ آں پاکستان ءَ ونتگ ءُ انجینئر، ڈاکٹر ءُ کھلاڑی جوڑ بوتگ انت۔
