آ لیڈر ءِ زرّ ، کاروبار ءُ  سیت ڈن ملک ءِ واستہ بہ بنت آ اچبر  مزن جگر  بوت نہ کنت، اگاں  منی زر ءُ جائیداد ھم ملک ءَ چہ ڈن ءَ بہ بوتین اَنت گڈا اچبر من امریکہ ءَ  را انکار کت نہ کتگ اَت، مزن وزیر عمران خان باگ آزات  کشمیر ءَ گچین کاری مُچی ءَ گوں تران

باغ ۔17جولائی (اے پی پی): مزن وزیر عمران خان ءَ گوشت کہ  آ لیڈر ءِ زر، کاروبار ءُ سیت ڈن ملک ءَ  بہ بنت گڈا اچبر مزن جگری ءِ درشان ءَ کت نہ کنت، اگاں منی زر  ءُ جائیداد ھم ملک ءَ چہ ڈن ءَ بہ بوتین انت گڈا من امریکہ ءَ را چبر  انکار کت نہ کتگ ات،  بھارت ءِ حکومت آر ایس ایس ءِ لیکہ ءِ چیر دستی ءَ ایوک ءَ مقبوضہ کشمیر ءَ ظلم ءُ زوراکی نہ کنگ ءَ انت آر ایس ایس ءِ لیکہ ءِ  چیر دستی ءَ  مقبوضہ کشمیر ءَ ظلم  ءُ زوراکی نہ کنگ ءَ انت بلکینگ ءَ سرجمیں بھارت ءَ مسلمان ، عیسائی ءُ سکھ آں ھوار ایندگر  گور آنی سر ءَ ظلم  کنگ ءَ انت، پاکستان ءُ آزات کشمیر ءِ  سیادی کلمہ طیبہ ءِ بنیات ءَ است انت، راج یک لیکہ ءِ سر ءَ جوڑ بیت ءُ  ھما راج ءِ اندر ءَ کانود ءِ سروکی مہ بیت آ دیمروئی کت نہ کنت، پاکستان ءِ گہبود ریاست ءِ جوڑ  کنگ ءِ کوشست ءَ کنگ ءَ انت  ایشی ءِ چیر دستی ءَ جان سلامتی کارٹ،  بے سوت ءَ وام ءُ  ازمکاری زانت  پجاری ءِ گامگیج  کنگ ءَ انت، نوکیں پاکستنا سیکم ءِ چیر دستی ءَ ھمزوریں تبک ءِ واستہ گس آنی جوڑیشت ءِ واستہ وام  ءِ پجاری ءَ را دل یکیمی جوڑ کنگ بوھگ  ءَ انت۔  شمبے ءِ روچ ءَ باگ آزات کشمیر ءَ گچین کاری مُچی ءَ گوں گشتانک دیان ءَ مزن وزیر عمران خان ءَ گوشت کہ پاکستان ءُ آزات  کشمیر ءِ سیادی کلمہ ءِ طیبہ ءِ  گوما انت۔  ایش یک سرجمیں لیکہ ات ،  اے لیکہہ ءِ تران  ھمے واستہ  تئی دیم ءَ ھمے واستہ کت کہ راج یک لیکہ ءِ بنیات ءَ  جوڑ بیت۔