راولپنڈی ۔17جولائی (اے پی پی):پاک فوج ءِ شوبگ آئی ایس پی آر ءِ ڈائریکٹر جنرل میجر جنرل بابر افتخار ءَ گوشت کہ پاک اوگان سیم سر آنی سر ءَ یک شلی ءَ پٹرولنگ کنگ بوھگ ءَ انت، توامیں گیر کانودی کراسنگ پوائنٹس آناں سیل کنگ بوتگ۔ شمبے ءِ روچ ءَ یک جندی ٹی وی چینلےءِ گوما ھاسیں ٹرنسمیشن گلگدارے ءِ ساھت ءَ آئی ءَ گوشت کہ پاک ارد ءِ ریگولر گارڈ پاک اوگان سیم سر ءِ سر ءَ پٹرولنگ کنگ ءَ انت ءُ بارڈر ءِ گیر کانودی کراسنگ پوائنٹس آناں سیل کنگ بوتگ۔ آئی ءَ گوشت کہ ناشرکاری ءِ استیں واکیہ ءِ سیادی گوں اوگانستان ءَ چہ چہ مل انت، چیاکہ اوگانستان ءِ استیں جاور ھال آنی سبب ءَ آھوادا ناشرکاری گیش انت، آئی ءَ گوشت کہ یکم مئی 2021 ءَ چہ پد 167 ناشرکاری ارش ءِ اھوال آنی پد ءَ پاک ارد ءِ معلومداری (آئی بی او) ءِ بنیات ءَ 7 ہزار ءَ چہ گیش آپریشنز کنگ بوتگ۔ ایشی ءِ اندر ءَ بازیں دمگ آنی تلاشی ءَ ابید بازیں دمگ آںی کاروائی ھم ھوار انت۔ ڈی جی آئی ایس پی آر ءَ سہرا کت کہ ما اوگانستان ءَ چہ ایمنی کار ءِ زامن نہ آں چیا کہ اوگانستان ءِ شریکدار وتی آیوکیں باندات ءِ پیسلہ ءَ کت کناں۔ آئی ءَ گوشت کہ پاکستان ءَ ایمنی ءُ سلامتی اوگانستان ءِ ایمنی ءُ سلامتی ءَ گوں بندات انت۔ ڈی جی آئی ایس پی آر ءَ گوشت کہ ما گوں ھورت چاری ءَ دمگی جاور ھال آنی سر ءَ چار ءُ بچار کنگ ءَ آں ءُ اوگانس ایمنی کار ءَ سلاھ کنوک ءِ کرد ءَ پیلو کنگ ءَ آں۔
