اسلام آباد۔17جولائی (اے پی پی):پاکستان ءَ روبرکتی یورپی ملک آں ھوار بلجیم، فرانس، جرمنی، لکسمبرگ، سوئٹزرلینڈ ءُ ہالینڈ ءَ سیلاب ءِ نتیجگ ءَ گران بھائیں نپسی تاوان بار ءِ پد ءَ دلپدردی ءِ درشان کتگ۔ شمبے ءِ روچ ءَ درئی کارانی کارگس ءِ ترجمان ءَ یک ٹویٹے ءَ گوشت کہ پاکستان روبرکتی یورپی ملک بلجیم ، فرانس، جرمنی، لکسمبرگ سوئٹزر لینڈ ءُ ہالینڈ ءِ سیلاب ءَ آماچ بوتگ مردم آنی گوما دلی دلپدردی ءِ درشان کتگ۔
