اسلام آباد۔17جولائی (اے پی پی): مزن وزیر عمران خان ءَ وزیر ءِ درئی کار شیخ رشید احمد ءَ را پنت ءُ شون کت کہ اسلام آباد ءَ پوسٹیں اوگان سفیر ءِ زھگ ءِ آھوار جنگ ءَ گوں دست مانجنیں مردم آنی دستگیری ءِ واستہ توامیں آسراتی آناں کارمرد کنگ بیت۔ بنجاھی وزیر تہی کار شیخ رشید احمد ءَ شمبے ءِ روچ ءَ وتی ٹویٹ ءَ گوشت کہ مزن وزیر عمران خان ءَ آھوار جنوک ءُ اے سلیں کار ءَ گوں دست مانجنیں مردم آنی دزگیری ءِ واستہ توامیں آسراتی آناں کارمرد کنگ ءِ پنت ءُ شون کتگ۔ آئی ءَ گوشت کہ مزن وزیر ءِ نیمگ ءَ چہ پنت ءُ شونگ کنگ بوتگ کہ اسلآم آباد پولیس ءُ کانود ءَ را مھکم داروکیں ایندگر ادارگ اے و اکیہ ءَ را پٹ ءُ پول کنگ ءَ را وتی اولی کار بہ پھم انت ءُ راستی آناں دیم ءَ سہرا کنگ ءِ واستہ ملزم آناں 48 کلاک ءِ اندر ءَ دزگیر کنگ ءَ دل یکمی بکن ات۔
