تاشقند ۔16جولائی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ سلگ روڈ ءِ برجائی ءَ چہ زر باری ایشائی ، نیامی ایشیا ءُ یورپ ءَ را وت مہ وت ھوار کنگ ءَ چہ یک ٹوھیں تجارتی نیٹ ورک ءِ جوڑ بیت۔ مزن وزیر عمران خان ءُ ازبکستان ءِ صدر ءِ وژن انت کہ مارا روڈ نیٹ ورک ءِ گوما ٹرین نیٹ ورک ءِ سر ءَ کار کنگ لوٹ ایت۔ آدینگ ءِ روچ ءَ ادا میڈیا ءَ گوں تران کنان ءَ بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ دمگی روگ ءُ آیگ ءِ کانفرنس ءَ 60 ءَ چہ گیش ملک آں بھر زوری کتگ۔ مزن وزیر عمران خان ءَ ھوار ازبکستان ءُ اوگانستان ءِ صدر ءَ ابید 20 ملک آنی درئی کارانی وزیر آں اے کانفرنس ءَ بھر زوری کت۔ آئی ءَ گوشت کہ کانفرنس ءِ بنیاتی بن گپ دمگی روگ ءُ آیگ ءَ را مھکم جوڑ کنگ انت۔ کانفرنس ءَ شاہراہ ریشم دگ ءِ برجائی ءِ ھوالگ ءَ چار ءُ بچار ھم کنگ بو۔ آئی ءَ گوشت کہ زر باری ایشیا ءِ کشک ءَ کابل ءُ تاشقند ءَ تاں روت انت۔ آئی ءَ گوشت کہ سلک برجائی ءَ چہ زر باریل ایشیائی ، نیامی ایشیا ءُ یورپ ءَ را وت مہ وتی ھوار کنگ ءَ چہ یک ٹوھیں تجارتی نیٹ ورک ءِ جوڑ بیت۔
