واپڈا، اٹامک انرجی کمیشن، نیلم جہلم و این ٹی ڈی سی نا وصولی تے زرتس اتون ایڈجسٹ کننگ آن گردشی وام تے ٹی 116ارب روپئی کمتی مریک، بنجائی وزیر حماد اظہر

اسلام آباد۔ 16جولائی (اے پی پی) بنجائی وزیر توانائی حماد اظہر پارینے کہ واپڈا، پاکستان اٹامک انرجی کمیشن، نیلم جہلم و این ٹی ڈی سی نا وصولی تے ادارہ غاتا زرتس وام آتون ایڈجسٹ کننگ آن گردشی وام تے ٹی پین 116ارب روپئی کمتی مریک۔ جمعہ نادے آ تینا ٹویٹ اٹی اوپارے کہ الحمداللہ اینو اقتصادی رابطہ کمیٹی واپڈا، پاکستان اٹامک انرجی کمیشن، نیلم جہلم و این ٹی ڈی سی نا وصولیک داادارہ غاتا زرتس وام آتون ایڈجسٹ کننگ نا منظوری ءِ تس۔ اوپارے کہ دافیصلہ غان گردشی وام تے ٹی پین 116ارب روپئی نا کمتی مریک۔