اسلام آباد۔ 16جولائی (اے پی پی) بڑزکو ایوان ءِ پاننگاکہ مالی سال 2021ء ٹی 147ارب روپئی نا خراج دزی نا پیدواری مسنے۔ جمعہ نادے آ بڑزکو ایوان اٹی وقفہ سوج آتے ٹی سینیٹر مشتاق احمد نا سوج انا ورندی ٹی وزیر مملکت پارلیمانی امور علی محمد خان پارے کہ مالی سال 2021ء ٹی ڈائریکٹوریٹ جنرل (انٹیلی جنس اینڈ انویسٹی گیشن۔ آئی آر) 846اودیم رپورٹ تیار کرے ہرافتے ٹی کم و ود 147ارب روپئی نا خراج دزی نا پیدواری مسنے۔ دارپورٹ آتے آئی آر ایس نا فیلڈ فارمیشن آتے گدریفنگانے، داباندات جاست وپاست/آڈٹ/مقدمہ و خراج سرچارج وصولی تا جتا ریسہ غاتیاٹیءُ۔ داتم اسکان فیلڈ مارمیشن نا کنڈآن کروک آ کارروائی تیٹی جم وڑاٹ ملوک آ رپورٹ 846،پورو مروک مقدمہ غاک 228، کارروائی ٹی مقدمہ غاک 618، لاگو خراج 9084.78ملین روپئی، وصول مروک خراج 569.51ملین روپئی، امتناعی خراج/سٹیٹیوٹری پیریڈ8515.27ریکارڈ کننگا۔
