تاشقند۔ 16جولائی (اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم عمران خان نا اوغانستان اٹی امن کن کوشست آک برجاءُ ہرا زو بھرم ایترہ۔ جمعہ نادے آ داڑے علاقائی رابطہ کانفرنس نا بابت گپ وتران کرسا بنجائی وزیر حوالکاری و شینکاری پارے کہ علاقائی رابطہ کانفرنس اٹی 60آن زیات ملک بشخ ہلنگ ءُ، داکانفرنس اٹی علاقائی رابطہ و زرگزرانی سرجزآتا بابت گپ وتران مریک۔ اوپارے کہ تدوک آ دے ازبکستان نا صدر شوکت مرزایوف و وزیراعظم عمران خان اوڑدہی ٹی تاشقند آن گوادر اسکان ٹرین سروس و کراچی آن تاشقند اسکان ٹرک انا ات و در نا نظام اس جوڑ کننگ نا خواہش ظاہر کرینے ہرا علاقائی رابطہ غاتا اسہ درشانی اسے۔ اوپارے کہ 22ملک آتا سروکی مملکت و وزیر خارجہ غاک داڑے ساڑی ءُ ہر اواپار، زرگزران و ویزہ غاتے ٹی آسراتی نا بابت گپ و تران کیرہ۔ بنجائی وزیر حوالکاری پارے کہ وزیراعظم عمران خان و اوغانستان نا صدر اشرف غنی نا اوڑدہی ہم گمانی ءِ ہراٹی اہم باندات آتیا شرہ مریک۔ ننا کوشست ءِ کہ اوغانستان اٹی امن مرے تانکہ علاقائی رابطہ گچین مننگ کے۔ چوہدری فواد حسین پارے کہ اوغانستان اٹی امن آن نن نیامی ایشیاتون گنڈنگنہ، وزیراعظم عمران خان نا اوغانستان اٹی امن کن کوشست آک برجاءُ، انشاء اللہ داکوشست آک زو بھرم ایترہ۔
