تاشقند۔ 16جولائی (اے پی پی)وزیرخارجہ مخدوم شاہ محمود قریشی تاشقند اٹی نیامی و سویلی ایشیا رابطہ کانفرنس نا وخت آ اوغانستان اٹی مفاہمت کن امریکہ نا خصوصی نمائندہ زلمے خلیل زاد تون اوڑدہی کرے۔ اوڑدہی ٹی اوغانستان نا بدل مروک آ حالیت آتیا گپ وتران کننگا۔ وزیرخارجہ پارے کہ پاکستان، ڈیہہ ٹی رابطہ غاتا مون آ دننگ و اقتصادی شونداری و سوگوی کن اوغانستان ٹی امن ءِ المی تکک۔ پاکستان، اوغانستان اٹی امن کن تینا خیرخواہی نا کڑد ءِ ادا کرسا کیک۔ شاہ محمود قریشی پارے کہ اوغانستان نا آخبت نا فیصلہ ءِ اوغان تے اواری اٹ تولسا تینٹ کروئی ءِ۔ پاکستان، اوغان تا کماشی ٹی، اوغان تے امنا، جامع مذاکرات نا کمک اٹ اوغان ویل انا سیاسی ایسری نا مخ تفی ءِ برجاتخنگ کن سنبرینگوک ءِ۔
