تاشقند۔15جولائی (اے پی پی): مزن وزیر عمران خان ءِ شرپ ءَ پنچ شمبے ءِ روچ ءَ ازبکستان ءِ صدارتی محل ءَ یک پُرمڈاھیں دیوان ءِ بست ءُ بند کنگ بوت۔
مزن وزیر ءَ را صدارتی محل ءَ آیگ ءِ پد ءَ وش اتک کنگ بوت ءُ آئی ءِ شرپ ءَ گارڈ آف آنر ھم پیش کنگ بوت۔
ازبکستان ءِ صدر شوکت مرزویوف ءَ مزن وزیر ءَ را وش اتک کت۔ اے موہ ءِ سر ءَ دوئیں ملک آنی راجی سوت الہان کنگ بوت انت ءُ ازبکستان ءِ سلاھ بندی اُرد آں مزن وزیر ءَ را گارڈ آف آنر پیش کت۔
ازبک صدر ءَ کابینہ ءِ باسک آنی مزن وزیر ءَ گوں پجاروکی کنائینت وھدیکہ مزن وزیر عمران خان ءَ وتی ڈل ءِ باسک آنی آئی ءَ گوں پجاروکی کنائینت۔
اے موہ ءِ سر ءِ مزن وزیر عمران خان ءُ ازبکستان ءِ صدر شوکت مرزویوف ءَ لس ھیال ریچی کت۔
