اسلام آباد۔15جولائی (اے پی پی):صدر مملکت ڈاکٹر عارف علوی ءَ گوشت کہ پاکستان کرغزستان ءِ گوما براتی ءُ یکوئی آناں ارزشت دنت انت، دوئیں ملک آںی نیام ءَ تجارتی یکوئی آناں گیش شاھیگانی ءُ دو نیمگی روگ ءُ آیگ آناں دیمروئی دیگ ءِ ضلورت انت۔
آ پنچ شمبے ءِ روچ ءَ پاکستان ءَ کرغزستان ءِ دزکش بوھوکیں سفیر ایرک بیشم بیاو ءَ گوں تران کنگ ءَ ات آئی ءَ ادا ایوان ءِ صدر ءَ آئی ءَ گوں گند ءُ نند کت۔ صدر ءِ مملکت ءَ پاکستان ءُ کرغزستان ءِ نزیکیں براتی ءُ یکوئی آنی ارزشت ءَ را سہرا کنان ءَ دوئیں ملک آنی نیام ءَ تجارتی کمک آناں گیش شاھیگانی دیگ ءِ ضلورت ءِ سر ءَ زور پر دات۔ صدر ءِ مملکت ءَ گوشت کہ دوئیں ملک آنی نیام ءَ مزن تکی ءُ پارلیمانی رواہ آنی تہ ءَ گیشی ءِ ضلورت انت، دو نیمگی کمک آنی دیمروئی ءِ واستہ دود ءُ ربیدگی رابطہ آناں گیش ودینگ لوٹ ایت۔ آئی ءَ گوشت کہ پاکستان کاسا-1000 منصوبگ ءِ سرجمیں ءِ واستہ جزمیگ انت۔ صدر ءِ مملکت ءَ گوشت کہ دونیں ملک آنی یکوئی آناں دیمروئی دیگ ءِ واستہ کرغز سفیر ءِ ازمت آناں ساڑات۔
