تاشقند۔ 15جولائی (اے پی پی) وزیراعظم عمران خان اِرادے ئی دورہ غا ازبکستان آ سرمس۔ بنجائی وزیر حوالکاری و شینکاری چوہدری فواد حسین، وزیر داخلہ شیخ رشید احمد، بنجائی وزیر بحری امور علی حیدر زیدی، وزیراعظم نا سلاہکار قومی سلامتی ڈاکٹر معید یوسف و عاطف خان ئسک ہم وزیراعظم تون اوار ءُ۔ وزیراعظم ازبکستان نا صدر شوکت مرزیوف تون اوڑدہی کیک۔ اوڑدہی ٹی واپار، زرگزران و ایلو بشخ آتے ٹی کمکاری نا بابت باندات آ گپ وتران کننگک۔ وزیراعظم نا دورہ ازبکستان علاقائی و ہڑتوم آ کنڈآتا واپار، علاقائی رابطہ و سیکورٹی نا رداٹ بے کچ اہمیت تخک۔ وزیراعظم نا دورہ ٹی ہڑتوم آ ملک آتا نیام اٹ اسیجائی فائدہ غاتا چندی اہم معاہدہ و مفاہمت نا یات داشت آتیا دستخط مریک ہرافتے ٹی مصنوعات آتا ہل و تس، ہڑتوم آ ملک آتاچیمبرز آف کامرس نا نیام اٹ کمکاری، واپار، تعلیم، دودوربیدگ و سیل و سوات کون آ بشخ آک اوار ءُ۔
