اسلام آباد۔ 12جولائی (اے پی پی) چینی اکیڈمی چاگڑدی ڈٹ بندی نا ماہر لی یو پارینے کہ ٹرانسمیشن نیٹ ورک وولٹیج اٹی ودکی آن پاکستان اٹی الیکٹرک لاسز اٹی کمتی مننگ کیک، بجلی نا پیدوار نا پیمائش و اوٹی زرکاری کن گچین منافع ءِ پک کننگ کن چین نا اسٹیٹ گریڈ قابل تجدید توانائی ذریعہ اٹ بجلی دوئی کننگ ءِ اولیت ایتک۔ چینی اکیڈمی چاگڑدی ڈٹ بندی نا ماہر لی یوپیدوارکرے کہ حکومتی کہول آ چین قابل تجدید توانائی کانود اس جوڑ کرینے۔ ہراقابل تجدید توانائی نا شونداری کن اسہ مستند کانودی بنداو اس تخانے۔ لی پارے کہ بجلی نا پیدوار نا پیمائش و اوٹی زرکاری کن گچین کٹیاءِ پک کننگ کن چین نا اسٹیٹ گریڈ قابل تجدید توانائی ذریعہ اٹ بجلی دوئی کننگ ءِ اولیت ایتک۔ لی پارے کہ نہاد نا لحاظ اٹ چین قابل تجدید توانائی کون آ ونڈ پاور وہائیڈرو پاور کن اولیتی رعایتی نہاد مقررکرینے۔ داکان بیدس زرکاری آن کٹیاءِ گچین کننگ کن آف شورونڈوپاور کون آ زیات خڑچ انا تفنگ آ سبسڈی تننگانے۔ اوپارے کہ قابل تجدید توانائی ٹرانسمیشن چینل آتا تفنگ نا عمل اٹی، اونا نیٹ ورک نا گڑاس بشخ سوسائٹی کن ملوک ءِ تانکہ داوڑنا زرکاری داخل مننگ کے، شون ہلنگ کے و جوان ءُ کٹیا اس دوئی کننگ کے۔ پاکستان اٹ بجلی نا فراوانی و بشخنگ نا نسخان تا کچ بھاز زیات ءِ۔ دابابت لی درستی راستی کرفے کہ چین نا پاور گریڈ تنظیم نا تینا خاصیت ءِ، دابھاز مربوط ءِ۔ دابنداو آ ہراتم بھاریم کم مریک نن کوشست کینہ کہ لائن آ بجلی نا فراوانی کم مرے۔ ہراتم بھاریم ودک، نن ساڑی ٹرانسمیشن اٹ ودکی کینہ، داوڑنا لچکدار ضابطہ آن بجلی نا نسخان تے کم کننگ اٹ کمک رسینگک۔ اومستی پارے کہ مچ آ ٹرانسمیشن نیٹ ورک نا وولٹیج اٹ ودکی، تزئین و ٹاسفارم کون آ بنداوی گڑاتا بدلی نا کہول ءِ کم کننگ و المی گڑاتے اٹ بجلی نانسخان تے کم کننگ مریک۔ لی یو پارے کہ توانائی نا کھپت ءِ کم کننگ و کارکڑد ءِ گچین کننگ کن وزارت چاگڑد شونداری و اصلاحات کمیشن، وزارت ٹرانسپورٹ و ایلو محکمہ غاتے اواری اٹ کاریم کننگ نا گرج ءِ۔ حکومت ءِ ہرکہول آ کمکاری و مچ آ راج انا اوارمننگ ءِ فعال وڑاٹ متحرک کننگ نا گرج ءِ۔ اودانتیجہ اخذکرے آخرکار پوسکن آ صنعت آک متکن انگا نا جاگہ ءِ ہلیرہ و معاشرتی خڑچ آک ہم پوسکن آ صنعت آتا محرک واک اٹ بدل مریرہ، ہرامچ آ راج ءِ مون آ دیک۔
