اسلام آباد۔ 12جولائی (اے پی پی) بنجائی وزیر حوالکاری وشینکاری چوہدری فواد حسین پارینے کہ وزیراعظم عمران خان پارینے کہ نن اوغانستان اٹی امن اٹ شریدار مرینہ، جنگ اٹی آخا۔ پاکستان نا ڈغار ءِ اوغانستان نا برخلاف کاریم اٹ اتپننگ انگ ءِ ا ومیت ءِ کہ اوغانستان نا گل زمین ءِ پاکستان نا برخلاف کاریم اٹ اتپننگک۔ بنجائی وزیر حوالکاری دوشنبے نادے آ تینا ٹویٹ اٹی پارے کہ سیاسی پارلیمانی سرکڑدہ غاک نیام تمپننگ نا اصول آ امناءُ۔ اوغانستان اٹی بدل مروک آ حالیت آتیا خاص نظرءِ۔ پورو کوشست ءِ کہ کابل اٹ اسہ پرامن و غٹ انا سلاہ غا مبنی نظام اس حکومت ناکمک اٹ مون آ دننگے ولے اگہ داوڑ متوہم تو پاکستان نا تہہ ٹی اونا اثرآتے اتنگ کن الیپنہ، ننا اوغان پالیسی پاکستان نا فائدہ غا مبنی ءِ۔
