میلبورن۔ 27مارچ (اے پی پی) پاکستان و آسٹریلیا نا ٹیم تا نیام اٹ چار ہاکی ٹیسٹ میچ آتیا تالان سیریز نا اولیکو میچ (اینو) سے شنبے نا دے گوازی کننگک۔ داکان مست پاکستان نیوزی لینڈ ئِ اونا گل زمین آ پنچ میچ آتا سیریز اٹی 2-1 اٹ کٹفے۔ نیوزی لینڈ نا برخلاف سیریز گوازی کننگ آن پد پاکستانی ٹیم ئِ داسہ آسٹریلیا نا چیلنج نا مون تروکی ئِ۔ پاکستان و آسٹریلیا نا نیام اٹ چار ہاکی ٹیسٹ میچ آتا سیریز نا ارٹ میکو میچ (پگہ) چارشنبے نا دے ، مسٹ میکو میچ 31مارچ وخت اس کہ چارمیکو و آخریکو میچ یکم اپریل آ گوازی کننگک ۔
