اقوام متحدہ۔ 29جون (اے پی پی) پاکستان موثر کانودی گام گیج آتا کمک اٹ ودوک آ مذہبی و نسلی پرخ، زینوفوبیا و اسلاموفوبیا تون اوار اوار خارتس تقریر آتا توننگ کن جہانی یکجہتی نا خواست کرساپارینے کہ کورونا دین انا دا رجحان آتے پین ودفینے۔ اقوام متحدہ ٹی پاکستان نا قائم مقام آخبتی نمائندہ عامرخان تدوک آ دے انسداد دہشت نا بابت سرکڑدہ غاتا ارٹ میکو بڑزکو کہول انا دیوان آن تران کرسا پارے کہ اینو نا دور اٹی جہانی کہول آ ودوک آ دہشت گردی بھاز سنگین رجحان تیان اسٹ ءِ ہرانا اسہ وڑ ہراٹی دنیا نا چندی بشخ آتے ٹی نسل پرستی، زینوفوبیا، بے سگی، اسلاموفوبیا یا بے سگی نا ایلو وڑک متشدد قوم پرست، بالادستی، بے کچ راستیکو دو و ایلو رڑو نظریہ غاتا بنداو آ مروک آ دہشت گرد جلہوآک اوار ءُ ہنداخاطرآن داوڑنا رڑ و نظریہ غاتا سوب لاحق دہشت گردی نا خطرہ غان سوگوی و فیصلہ کن وڑاٹ بایدے مون تننگے۔ اوخواست کرے کہ دا چرجوئی ٹی انسداد دہشت گردی نا جہانی پنجر و اقوام متحدہ نا سلامتی کونسل نا پابندی نا گام گیج آتے ٹی مناسب بدلی کننگ نا گرج ءِ۔
