کابل۔ 21جون (اے پی پی) اوغان صدر اشرف غنی تیناامریکی ہم منصب جوبائیڈن تون بروک آ جمعہ غا وائٹ ہاؤس اٹی اوڑدہی کیک۔ اشرف غنی و جوبائیڈن نا نیام اٹ دااولیکو اوڑدہی مریک۔ جرمن نشریاتی ادارہ نا رداٹ امریکی صدر اوغانستان ءِ سفارتی، زرگزرانی و ہروڑنا انسانی امداد فراوان کننگ نا قول کیک تانکہ ملک ءِ دُوارہ شدت پسند آتا ٹھکانہ جوڑ مننگ آن بچفنگ مرے۔ دادورہ ٹی قومی مفاہمتی کونسل نا سروک عبداللہ عبداللہ ہم اشر ف غنی تون اوار مریک۔ برطانوی خبررساں ادارہ نا رداٹ گڑاس سینئر اوغان کمامدار امریکہ غان سیکورٹی نا ضمانت خوارہ۔ ایلو کنڈآ اوغان طالبانک پارینو کہ دا دورہ غان اوفتیا ہچ ءُ پرخ اس تمپک۔
