راملہ۔ 14جون (اے پی پی) فلسطین نا وزیراعظم محمد شتیہ پارینے کہ اسرائیلی وزیراعظم نیتن یاہونا اقتدار نا چٹنگ آن اسرائیل فلسطین تنازعہ نا بدترین دور انا اسہ بشخ اس چٹانے۔ فرانسیسی خبررساں ادارہ نا رداٹ اودوشنبے نادے آ فلسطینی کمامدارآتا ہفتہ وار کابینہ دیوان آن پد تینا بیان اٹی پارے کہ اسرائیلی وزیراعظم نیتن یاہو نا 12سال انا دور اقتدار نا خاتمہ اسرائیل فلسطین تنازع نا تاریخ نا بدترین دور انا چٹنگ ءِ ولے او پوسکن آ اسرائیلی حکومت نا جوڑ مننگ آن پد داگمان اٹی ہم اختہ اف کہ او فلسطین تون امن معاہدہ ءِ مون آدیک۔ اوپارے کہ نن داہم ہرپنہ کہ پوسکن آ آسرائیلی حکومت متکن آ حکومت نامقابلہ ٹی فلسطین تون زرس کم بُراکیک و نن اسرائیل نا پوسکن آ وزیراعظم نفتالی بینیٹ نا کنڈآن اسرائیلی آبادکاری نا مخ تفی نا پڑو نا مذمت ءِ کینہ۔ اوپارے کہ اگہ اسرائیل نا پوسکن آحکومت فلسطینی الس نا آخبت و اوفتا روا حق انا شرف ءِ کپک تو اونا ہچ ءُ آخبت اس اف۔