واشنگٹن، نئی دہلی، ریوڈی جنیرو۔ 09جون (اے پی پی) بھارت، امریکہ و برازیل تون اوار مچ آ دنیا ٹی کورونا نا دین آن مرک و ناجوڑ آتا کچ اٹی پدریسہ ودکی مننگ ءِ، بھارت اٹی تدوک آ 24گھنٹہ ٹی کورونا دین انا 92ہزار آن زیات پوسکن ءُ کیس رپورٹ مسنے، داٹی چندی ملک آتے ٹی ہلوک آ دین آن مرک آتا کچ 37لکھ 63ہزار اسکان سرمس وخت اس کہ زہمی تا کچ 17کروڑ 47لکھ آن گدرینگانے۔ چارشنبے نادے آ امریکی میڈیا نا رداٹ دنیا نا چندی ملک آتے ٹی کورونا دین انا پک زہمی تا کچ 174753298ءِ، دین آن زہمی ملک آتے ٹی داتم اسکان 3763186بندغ زوال کرینو۔ مچ آ دنیا ٹی کورونا نا فعال زہمی تا کچ 12519604ءِ۔ کورونا نا دین آن امریکہ غٹ آن زیات زہمی مسنے، ملک اٹی کورونا دین انا سوب آن داتم اسکان جم زوال کروک آتا کچ دنیا ٹی پین ملک اسے آن غٹ آن زیات ءِ۔ برازیل کورونا دین آن مروک آ زوال کروک آتالحاظ اٹ ارٹ میکو و ناجوڑ آتا بابت مسٹ میکو نمبرآٹی ءِ وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و میکسیکو زوال کروک آتا حساب وکتاب اٹ مسٹ میکو زیات زہمی ملک ءِ۔ امریکہ ٹی کورونا نا دین آن زہمی بندغ آتا کچ 3کروڑ 42لکھ 42ہزار آن زیات ءِ وخت اس کہ ملک اٹی کورونا دین آن مرک آتا کچ 6لکھ 13ہزار آن ودانے۔ امریکہ ٹی کورونا دین انا ناجوڑ آتا جم کچ 34242866و 5408951فعال زہمی ءُ۔ امریکہ ٹی کورونا نا دین آن داتم اسکان 613052بندغ زوال کرینو۔ مچ آ دنیا ٹی کورونا دین انا ارٹ میکو و مسٹ میکو ریسہ ٹی ہم امریکہ ٹی غٹ آن زیات زوال مسنے۔ امریکہ ٹی مخلوق ءِ ہلوک آ کورونا دین آن بچفنگ کن داتم اسکان 30کروڑ 28لکھ آن زیات خور تننگانے۔ ایڑے برازیل اٹی کورونا دین آن زوال کروک آتا کچ 4لکھ 77ہزار آن ودانے وخت اس کہ مچ آ ملک اٹی ناجوڑ آتا کچ اسہ کروڑ 70لکھ 38ہزار آن زیات ءِ۔ برازیل اٹی ہلوک آ دین انا پوسکن آ کیس مون آ بننگ آن پد زہمی تا کچ ودسا 17038260مسنے۔ برازیل اٹی کورونا دین آن زوال کروک آتا جم کچ 477307ءِ وخت اس کہ چندی علاقہ غاتے ٹی داوخت آ کورونا دین انا 1066882فعال ناجوڑ ءُ۔ برازیل نا وزارت جان جوڑی نا حساب وکتاب نا رداٹ ملک اٹی داتم اسکان 15494071آن زیات کورونا ناجوڑ دراخ جوڑ مسنو۔ داکان بیدس بھارت اٹی کورونا دین آن زوال کروک آتا کچ 3لکھ 53ہزار آن گدرینگانے، ملک اٹی کورونا دین انا 92ہزار آن زیات پوسکن ءُ کیس مون آ بسنے۔ تدوک آ 24گھنٹہ ٹی ملک اٹی پین 92596بندغ آتے ٹی ہلوک آ کورونا دین انا تشخیص مسنے۔ بھارتی وزارت جان جوڑی نا رداٹ داوخت آ کورونا دین اٹی اختہ 2219بندغ تینا جون تیان دوتے سلانو ہراڑآن ہلوک آ دین آن زوال کروک آتا کچ 353557مس۔ بھارت اٹ کورونا دین انا فعال کیس آتا کچ 1238421ءِ۔ کورونا دین انا ناجوڑآتا اعتبار اٹ بھارت داوخت آ دنیا نا ارٹ میکو غٹ آن زیات زہمی ملک ءِ۔ مچ آ ملک اٹی داتم اسکان کورونا دین انا گواچی 27496198بندغ دراخ جوڑ مسنو۔
