امیت اِنت کہ درئی جنگ ئِ تہ ئَ دیم پہ دیمی کنگ، میاں اوستمانی دُگنیا ئَ پاکستان ئِ پجار ئَ را بُرز ئُُ بالا کنگ ئُُ دمگی ئُُ میاں اوستمانی کار آنی تہ ئَ پاکستان ئِ مول ئُُ مراد آناںجوانیں رنگے ئَ میاں اوستمانی اُلس ئِ دیم ئَ وتی ازمکار ی ئَ گوں کرد ئَ پیلو کن آں، چوہدری نثار علی خان
اسلام آباد ۔ 24 مارچ (اے پی پی) بُنجاھی وزیر تہی کارچوہدری نثار علی خان ئَ گوں سیکریٹری درئی کار تہمینہ جنجوعہ ئَ گند ئُُ نند کُت۔ ترجمان وزارت تہی کار ئِ رد ئَ گند ئُُ نند ئِ تہ ئَ وزیر ئِ تہی کار چوہدری نثار علی خان ئَ نوکیں سیکرٹری درئی ئَ را ما سیٹ ئِ زمہ واری آناں چست کنگ ئِ پد ئَ مبارکی داتگ۔ تہی کارانی وزیر ئَ گوشت کہ استیں دور ئَ پاکستان ئَ توکی ئُُ ڈنی رد ئَ بازیں چیلنج است اِنت ئُُ من اُمیت کن آں کہ درئی جنگ ئِ تہ ئَ دیم پہ دیمی کنگ، میاں اوستمانی دُگنیا ئَ پاکستان ئِ پجار ئَ را بُرز ئُُ بالا کنگ ئُُ دمگی ئُُ میاں اوستمانی کار آنی تہ ئَ پاکستان ئِ مول مُراد آناں جوانیں رنگے ئَ میاں اوستامانی اُلس ئِ دیم ئَ وتی ازمکاری ئَ گوں کرد ئَ پیلو کن آں۔ آئی ئَ گوشت کہ درئَ نندوکیں پاکستانی کمیونٹی ملک ئِ ارزشتی ایں مڈی اَنت، آوانی جیڈھ آنی گیواری مئے اولی ترجی اِنت بوھگ لوٹیت۔ تہی کارانی وزیر ئَ پیسریگیں سیکرٹری درئی کار اعزاز چوہدری ئِ کرد ئِ توسیپ کُت۔
