اسلام آباد ۔ 24 مارچ (اے پی پی) حکومت ئَ آپریشن” ضرب عضب“ ئَ چہ خیبرایجنسی ئِ ادارکی لڈ ئُُ بار کنوکیں مردم آنی لوگ آنی پرشت ئُُ پوشی تقاوان رسگ ئِ مٹ ئَ 27کروڑ 8 لکھ کلدار جاڑی کتگ۔ فاٹا ڈیزاسٹر منیجمنٹ ئِ کارندہ آنی رد ئَ ناشرکاری ئِ ھالپ ئَ آپریشن ”ضرب عضب“ ئَ آماچین مردم خیبر ایجنسی ئَ ادارکی بے لوگ بوتگیں مردم آنی لوگ آنی شر کنگ ئِ واستہ زرّ دیگ جاڑی اِنت۔ بُنجاھی حکومت ئَ خیبر ایجنسی ئَ بے لوگ بوتگیں مردم آنی تاوان ئِ پُر کنگ ئِ ھاترا 27کروڑ 88لکھ کلدار فاٹا سیکرٹریٹ ئَ را ڈیمانڈ نمبر 135ئِ رد ئَ جاڑی کتگ اَنت ئُُ فاٹا سیکرٹریٹ ئَ خلیبر ایجنسی ئِ بے لوگ بوتگیں مردم آنی واستہ بُنجاھ ئِ نیمگ ئَ چہ جاڑی بوتگیں زرّ 27کروڑ 88لکھ کلدار خیبر ایجنسی ئِ پولیٹیکل ایجنٹ آناں جاڑی کتگ اَنت تانکہ خیبر ایجنسی ئَ بے لوگ بوتگیں مردم آناں لوگ آنی شر کنگ ئَ زرّ دیگ بہ بنت۔
