اسلام آباد۔ 01جون (اے پی پی) صدر مملکت ڈاکٹر عارف علوی پاکستان نا پارلیمنٹ نا ایوان زیریں قومی اسمبلی نا مہمانداری ٹی پارلیمانی اسمبلی اقتصادی کمکار تنظیم (پائیکو) نا ارٹ میکو جنرل اسمبلی کانفرنس نا بناءِ کرے۔ اِرادے ئی کانفرنس پگہ(چارشنبے نادے آ) ایسر مریک۔ کانفرنس اٹی اوغانستان، ترکی، ازبکستان،تاجکستان، آذربائیجان، قزاخستان و کرغزستان نا اسپیکرز و مندوبینک بشخ ہلکر، ایران و ترکمانستان نا اسپیکرآک ویڈیو لنک انا کمک اٹ بنائی دود آن تران کریر۔ کانفرنس نا مرکزی سرحال علاقائی سیوت کن پارلیمانی شریداری ءِ مون آ دننگ ءِ، شرکاای سی او نا باسک ملک آتا نیام اٹ بین الپارلیمانی کمکاری آ ودفنگ نا وڑوڈول آتیا سجفنگ ءُ، کانفرنس اٹی واپار، سیل و سوات وزرگزرانی کمکاری ءِ مون آ دننگ نا کسر اس پٹنگ آ سجفنگ انگ ءِ۔ جہانی اہمیت نا حامل داکانفرنس اسپیکر اسد قیصر نا خصوصی کوشست آتا نتیجہ ٹی ممکن مس۔ کانفرنس تین پہ تینی امن و شونہالی نا ایجنڈاءِ سوگو کننگ کن بین پارلیمانی رابطہ غاتا مرکوز ءِ۔ کانفرنس اٹی ڈیہہ ٹی پائیدار شونداری نا ہدف آتا دوئی کننگ نا کسر اٹ کوویڈ۔ 19نا دین انا اثرآتیا پنیل گپ وتران کیک۔ کانفرنس نا ارٹ میکو دے 2جون آ واپار و رابطہ غاتے ودفنگ، راہداری واپار ءِ آسان کننگ آ شرہ مریک۔ ہراٹی تین پہ تینی رابطہ غاتے مون آ دننگ، سیل وسوات ءِ شونداری و نیزگاری نا چٹفنگ آ سجفنگک۔ ای سی او ریجن اٹ سیل و سوات ءِ مون آ دننگ اٹ پارلیمنٹ نا کڑد آ پنیل نا کہول آ شرہ مریک۔ کانفرنس نا ایسری دود پگہ (2جون) آ مریک۔
