جدہ۔ 01جون (اے پی پی) اسلامی کمکار تنظیم(او آئی سی) فلسطین اٹ راجی، شونداری، تعلیمی و جان جوڑی نا ڈٹ آتے کن مالی امداد تننگ نا پڑو ءِ کرینے۔ تنظیم نا سیکرٹری جنرل ڈاکٹر یوسف العثیمین پارے کہ او آئی سی نا ماتحت اسلامی کمکار فنڈ باسک ملک آتا بھاز ضرورت مند زمرہ غاتے ٹی کمک ءِ کننگ ءِ، فلسطین کن تروک آ امداد ہندا زمرہ ٹی اوار مریک۔ سیکرٹری جنرل پارے کہ او آئی سی اسلامی کمکار فنڈ انا کمک اٹ باسک ملک آتا اسکول، ہسپتال، انجمن، یونیورسٹی و ایمرجنسی ادارہ غاتا کمک ءِ برجاتخک۔ ڈاکٹر یوسف العثیمین پارے کہ اسلامی کمکار فنڈ راجی، تعلیمی، انسانی و جان جوڑی نا بشخ آتے ٹی باسک ملک آتا کمک ءِ ہلہلہ ئی بنداو تیا کننگ ءِ و آخبت ہم کرساکیک۔
