بغداد۔ 29 مئی (اے پی پی) وزیر خارجہ مخدوم شاہ محمود قریشی پارینے کہ پاکستان و عراق نا نیام اٹ ہڑتوم آ کنڈآتا واپار، زرکاری، انفراسٹرکچر نا تفنگ، تعلیم، کشت وکشار، کاریم نا کچ اٹی ودکی و انفارمیشن ٹیکنالوجی نا بشخ آتے ٹی ہڑتوم آ کنڈآتا کمکاری ءِ ودفنگ نا بھلو وارخواہی اس ساڑی ءِ۔ داہیت ءِ او ہفتہ نادے آ بغداد اٹی عراق نا صدر برہام صالح تون صدارتی ماڑی ٹی اوڑدہی ٹی پارے۔ ہیت وگپ اٹی ہڑتوم آ کنڈآتا تعلقداری، چندی بشخ آتے ٹی ہڑتوم آ کنڈآتا کمکاری ءِ مون آ دننگ تون اوار اہم علاقائی و جہانی باندات آ گپ وتران مس۔ وزیرخارجہ وزیراعظم عمران خان و پاکستانی الس نا کنڈآن عراق نا سرکڑدہ و الس کن نیک است خواہی نا درشانی ءِ سرکرے و پارے کہ پاکستان و عراق نا نیام اٹ مروک آ قلبی تعلقداری، داہڑتوم آ کنڈآتا تعلقداری تے پین سوگو کیک۔ شاہ محمود قریشی پارے کہ ہرسال پاکستان آن، ہرمسلک و مکتبہ فکر تون وابستہ، اِرالکھ آن زیات زائر زیارت کن کربلا، نجف بغداد آبریرہ۔ وزیر خارجہ پارے کہ پاکستان تینا جغرافیائی اقتصادی اولیت آتیاچکارتخانے۔ پاکستان وعراق نا نیام اٹ ہڑتوم آ کنڈآتا واپار، زرکاری، انفراسٹرکچر نا تفنگ، تعلیم، کشت وکشار،کاریم نا کچ اٹی ودکی و انفارمیشن ٹیکنالوجی نا بشخ آتے ٹی ہڑتوم آ کنڈآتا کمکاری ءِ ودفنگ نا بھلو وارخواہی اس ساڑی ءِ، گپ وتران اٹی، پاکستان و عراق نا نیام اٹ دفاعی تعلقداری آ است جمی نا درشانی ءِ کننگا۔
