اسلام آباد۔ 29 مئی (اے پی پی) وزیراعظم عمران خان نانوٹس ہلنگ آ پیشن نا ملک شاری ءِ 8 سال آن پد انصاف ملا۔ پیشن نا ملک رہینگوک پاکستانی سٹیزن پورٹل آ غاوکرے ہراناوزیراعظم نوٹس ءِ ہلک۔ جاست وپاست آن پد وزیراعظم ناپرمان آ اسلام آباد لینڈریونیو نا آفیسر آتا برخلاف سخت کارروائی کرسا ڈپٹی رجسٹرار کوآپریٹیو سوسائٹیز اسلام آباد ءِ دمدستی وڑاٹ عہدہ غان اینک کننگا۔ وزیراعظم ڈیلیوری یونٹ ناکنڈآن جاری بیان نا رداٹ پیشن نا ملک شاری نا غاو آ کارروائی کرسا اسلام آباد سرکل رجسٹرار آفس نا برخلاف انکوائری کننگا و ڈپٹی رجسٹرار کوآپریٹیوءِ دمدستی عہدہ غان اینک کننگ آن بیدس چیف کمشنر وزارت داخلہ غان سرکل رجسٹرار ءِ معطل کننگ نا سفارش ہم کرینے، داکان بیدس انسپیکٹر کوآپریٹیو سوسائٹیز ءِ ہم عہدہ غان اینک کننگانے، داکان بیدس تعلقدار ہاؤسنگ سوسائٹی ءِ شوکاز نوٹس جاری کرسا بینک اکاؤنٹ ہم منجمد کننگا۔ سرکل رجسٹرار آفس نا تعلقدار کلرک ءِ ہم ملازمت آن اینک کننگانے، وزیراعظم آفس نا رداٹ پیشن نا ملک پاکستانی پلانٹ منتقلی نا بابت وزیراعظم ءِ غاوتسوسس، سرکل رجسٹرار آفس شاری نا غاو آ اونا دادرسی ءِ کتو ہراڑآ وزیراعظم ڈلیوری یونٹ نا پارت آ چیف کمشنر غاوتیا انکوائری کرے، چیف کمشنر آفس تعلقدار آفیسر آتا معطلی و برطرفی نا نوٹیفکیشن جاری کرے۔
