فیصل آباد۔ 29 مئی (اے پی پی) وزیر مملکت حوالکاری و شینکاری فرخ حبیب پارینے کہ ہیموفیلیا و تھیلاسیمیا نا مرض اٹی اختہ چناتے پدریسہ دترنا عطیہ فراوان کننگ آ علی زیب فاؤنڈیشن و ایلو این جی اوک خراج تحسین نا حقدار ءُ وخت اس کہ اللہ نا رضا نا خاطر نیکی نا کاریم کروک آ تنظیمک انسانیت نا خذمت ءِ مون آ دننگ اٹ گچین کڑد ادا کننگ ءُ ہنداخاطرآن حکومت داوڑنا تنظیم تا است بڈی ءِ کننگ کن اوفتے غٹ آسراتی تا فراوانی ءِ پک کیک۔ ہفتہ نا پیشیم جنرل ہسپتال غلام محمدآباد فیصل آباد نا دورہ و ہموڑے علی زیب فاؤنڈیشن نا کنڈآن جوڑ بلڈٹرانسفیوژن سینٹراٹ دترخلفنگ کن بروک آچناتا خیالداری و اوفتا لمہ وباوہ غاتون گپ وتران اٹی اوپارے کہ ہرالمہ و باوہ نا کودک چناک ہیموفیلیا و تھیلاسیمیا ناناجوڑی ٹی اختہ مریرہ اوفتا ڈکھ و کرب ءِ ہمو پہہ مننگ کیک ولے حکومت و علی زیب فاؤنڈیشن کون آ انسانیت نا خذمت کن کوشست کروک آ این جی اوک اوفتا ڈکھیائی تے کم کننگ اٹ کمکار ثابت مننگ ءُ ہرابھاز جوان ءُ گام اسے ہرانااخس ءِ ستاءِ کننگے کم ءِ۔ اوپارے کہ ہیموفیلیا و تھیلاسیمیا نا گواچی ہزار آچناتے ہر 15دے آن پد دترنا عطیہ نا گرج مریک ولے اللہ نا شکر ءِ کہ اوننا غیور قوم ءِ دا شرف ءِ تس کہ او دترنا عطیہ تننگ اٹ ڈیوالئی نا درشانی ءِ کپسہ ہراڑآن ہزار آکودک چناتا زند ءِ بچفنگ ممکن مننگ ءِ۔
