اسلام آباد۔ 29 مئی (اے پی پی) خصوصی کمکار عثمان ڈار سرسہب ورناپروگرام نا رداٹ روزگارنا فراوانی نا حکومتی گام گیج آتے تالان کرساپارینے کہ حکومت نا دا پروگرام بے پرخ غٹ تپہ غاتے کن ترندی اٹ برجاءِ، وام دوئی کروک آتے ٹی نرینہ و نیاڑی و خصوصی بندغ آتون اقلیتی برادری ہم اوار ءِ، ہفتہ نادے آ خصوصی کمکار عثمان ڈارٹویٹر آ خصوصی دستاویزی فلم اس شیئر کرے ہراٹی پاننگاکہ سرسہب ورناپروگرام امر زالبول نا زند و اُرانا حالیت ءِ بدل کرے۔ اقلیتی برادری آن تعلق تخوک آ صوبیہ گل داپروگرام آن فائدہ ہرفسا تینا جند انا کاروبار ناتغ ءِ پورو کرے سرسہب ورناپروگرام آن دوئی کروک آ زرآن تینا کاروبار ءِ ودفے، ویڈیو ٹی صوبیہ گل پاہک کہ او کاروبار نا کمک اٹ تینا لمہ و باوہ و اُراوالا تا مالی کمک ءِ کننگ خواہسکہ۔ اوبیوٹیشن نا کاریم ءِ ہیل کرے ولے پارلر ملنگ کن اوڑتون زرالوکہ۔ سرسہب ورناپروگرام نا بارواٹ سماتما تو وام اکن اپلائی کرے و اودے بیدس سفارش وضمانت نا کاروبار کن وام ملا۔ اوپارے کہ او وزیراعظم و سرسہب ورنانا ٹیم انا منت وار ءِ کہ اونا تغ ءِ پورو کننگ اٹ کمک کرے، خصوصی کمکار عثمان ڈار پارے کہ وزیراعظم نا سرپرستی ٹی نزور تپہ نا شونہالی کن کاریم کننگ اُن۔
