فیصل آباد۔ 29 مئی (اے پی پی) وزیر مملکت حوالکاری وشینکاری فرخ حبیب پارے کہ وزیراعظم عمران خان نا وژن نا رداٹ حکومتی گام گیج آتے ٹی ملک انا زرگزرانی کہول آ خوشخبری بننگ ءِ و زرگزران دادے تیٹی بڑزا ہِننگ ءِ ہراتم ملک اٹی کورونا دین ئس ہمووڑ اسٹاک ایکسچینج بڑز ہِننگ ءِ و ایکسپورٹ اٹی 13، لارج اسکیل مینوفیکچرنگ اٹی 40درسد ودکی تون اوار خولم، مکئی، کماد و ایلو کشاری اجناس نا پیدوار اٹی کشارگرآتے جوان نہاد آتا فراوانی نا سوب آن ریکارڈ ودکی مسنے، ہنداخاطرآن نن خوانہ کہ داشونداری نا فائدہ لس بندغ اسکان سرمرے ہراڑکن پوسکن آمالی سال انابجٹ اٹی گام گیج کننگ انگ ءِ ولے دا غٹ شونداری پرچی چیئرمین بلاول ءِ نظر بفننگ ءِ ہالانکہ تدوک آ دور اٹی ارب آ روپئی بیرہ سندھ ءِ این ایف سی ایوارڈ نا مد اٹ رسینگانے ولے ہموڑے چناتے غذا و ہڑی آ کچک نا ویکسین اسکان ملپک و غٹ آن زیات کبینی ہم سندھ اٹی ءِ۔شہباز شریف ءِ مرے کہ او فضل الرحمان و ایلو اپوزیشن جماعت آتون اواری اٹ حکومت نا برخلاف سازش آتا جاگہ غا پارلیمان آ برسا کانود سازی و قومی باندات آتیا تینا مثبت کڑد ءِ اداکے، شہباز شریف ہراتینے بچفنگ کن پی ڈی ایم ءِ یکجا کرسا پیری کُننگ ءِ او اول ن لیگ ءِ تو یکجا کے انتئے کہ مریم وشہباز اٹ اختلاف نا سوب مریم نواز دیکی نا کنڈآٹے تو شہباز شریف دے ٹک نا کنڈآٹی ءِ ولے کس اس انت کہ کے اودے این آر او ملیپک۔
