اسلام آباد۔ 28 مئی(اے پی پی) صدر مملکت ڈاکٹر عارف علوی سال 2020ء ٹی 323ارب روپئی نا ریکوری آ قومی احتساب بیورو (نیب) انا کارکڑد نا ستا ءِ کرسا داہیت آ زور شاغانے کہ راج آن وڈی خوری نا چٹفنگ، شفاف گورننس و احتساب نا مون آ دننگ کن پین گچین گام گیج کننگے، وڈی خوری آن پاک پاکستان نا وژن نا پوروی کن احتساب نا مون آ دننگ کن پین گام گیج کننگے، وڈی خوری آن پاک پاکستان نا وژن نا پوروی کن احتساب غٹ اکن پک کننگ نا گرج ءِ۔ او نیب انا چیئرمین جسٹس (ر) جاوید اقبال تون گپ وتران کریکہ ہرا جمعہ نادے آ داڑے ایوان صدر اٹی اوڑتون اوڑدہی کرے۔ داوخت آ چیئرمین جسٹس (ر) جاوید اقبال صدر مملکت ءِ نیب رپورٹ سال 2020پیش کرے۔ اونیب انا کارکڑد آ حوال ترسا پارے کہ نیب ءِ سال 2020ء ٹی 24,706غاو دوئی مس، داوخت آ تدوک آ سال انا غاوتتون اوار جم وڑاٹ 30,405غاوتے سرتننگا۔ اوپارے کہ نیب 878غاوتا پک مننگ آ کارروائی کرے وخت اس کہ 369انکوائری و 175 انویسٹی گیشن کننگا۔ داکان بیدس تدوک آ سال احتساب عدالت آتے ٹی 136 ریفرنس دائر کننگا۔ چیئرمین نیب پارے کہ سال 2020ء ٹی استغاثہ نا سرسہبی نا جم تناسب 66 درسد ئس۔ صدر مملکت سال 2020ء ٹی 323ارب روپئی نا ریکوری کننگ آ نیب انا ستاءِ کرے۔ اووڈی خور آتا برخلاف کارروائی کننگ آ نیب انا کڑد انا ستاءِ کرسا پارے کہ وڈی خوری نا لعنت نا مون ءِ توننگ اسہ بھاز بھلو چیلنج اسے۔ راج انا غٹ تپہ غاک ملک آن وڈی خوری نا چٹفنگ کن حکومت نا کوشست آتا مخ تفی ءِ کیر۔ صدر مملکت پارے کہ وڈی خوری آن پاک پاکستان نا وژن نا پوروی کن احتساب غٹ اکن پک کننگ نا گرج ءِ۔ صدر مملکت راج آن وڈی خوری نا چٹفنگ کن نیب ءِ تینا پورو مخ تفی نا باوری کرفے۔ یات سلے کہ نیب آرڈیننس 1999نا رداٹ نیب تینا کارکڑدانا سالانہ رپورٹ ءِ صدر مملکت ءِ پیش کیک۔
