اسلام آباد۔ 28 مئی (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ کورونا دین اٹی ہرا سیکٹر آک تکلیف برداشت کریر اوفتے کن پیکج نا سلاہ ءِ وزیر خزانہ منظورکرینے۔ اسلام آباد چیمبرز آف کامرس اٹی تران کرسا اسد عمر پارے کہ وزارت صنعت نا کمامدارآک داپیکج آ کاریم کننگ ءُ، کانود کرایہ ایکٹ اپوزیشن نا سوب سینیٹ اٹ سلوک ءِ، کرایہ ایکٹ اسلام آباد نا پوریاگرتا دیرینہ خواہش ءِ، بروک آ مالی سال اکن 4.8درسد جی ڈی پی گروتھ نا منظوری ءِ تننگا۔ اونا پاننگ ئس کہ سالانہ ڈٹ بندی رابطہ کمیٹی بروک آ سال اکن ایلو ہدف آتا جاچ ءِ ہلنگ ءِ، کورونا دین انا اولیکو ریسہ ٹی بھاز زیات تنقید مس۔ وزیر تینا تران اٹی پارے کہ اسمارٹ لاک ڈاؤن آ اپوزیشن تنقید کرے۔ پاننگا پاکستان اٹی ہڑدے ئی بنداو آ 70 ہزار آن زیات مرک مننگ کیک، تدوک آ سال عئید اکن 2ہفتہ کن کاروبار ءِ ملنگا، ہراتم تدوک آ سال 2 ہفتہ کن کاروبار ءِ ملنگا تو ہسپتال آک پُر مسر، بھارت اٹی وخت اس ہم زرگزران داخس تمیتو اخس کہ کورونا نا دین اٹی تما۔ اسدعمر نا پاننگ ئس کہ پاکستان نا گچینی کن جوان انگا نیت اٹ فیصلہ کننگ اُن۔ اسلام آباد نا 21 درسد آبادی ویکسی نیشن کرفینے۔ اومستی پارے کہ این سی او سی ٹیم چیمبرز و پوریاگر برادری تون میٹنگ کیک۔ بھلا عئید آ اومیت کیوہ مارکیٹ آک بند مفس۔ ویکسین بھلو کچ اسے ٹی ارے و ویکسی نیشن سینٹر جوڑ کننگانے۔ اوپارے کہ پاکستان نا گچینی کن جوان انگا نیت اٹ فیصلہ کننگ اُن، جی ڈی پی گروتھ آ اسہ طوفان اس برپاء،، واویلا کننگ انگ ءِ کہ آئی ایم ایف و ایلو جہانی ادارہ غاک کم گروتھ نا کساس ءِ خلکر۔ اسدعمر پارے کہ نن خواپنہ کہ کاروبار آتے بند کننگے یا لاک ڈاؤن مرے، این سی او سی ٹیم چیمبرز و پوریاگربرادری تون میٹنگ کیک، اوپارے کہ چیمبرآتے ٹی ویکسی نیشن سینٹر جوڑ کننگ مریک۔ اوپارے کہ ن لیگ نا آخیریکو سال آن زیات ننا جی ڈی پی گروتھ مریک، کورونا دین انا اولیکو ریسہ ٹی بھاز زیات تنقید مس۔ اسمارٹ لاک ڈاؤن آ اپوزیشن تنقید کرے، ولے دنیا منا کہ پاکستان نا حکومت کورونا ٹی ہراگام گیج آتے کریسس اوفتا مثبت اثرمون آ بننگ بناکرینے۔
