اسلام آباد۔ 28 مئی (اے پی پی) بنجائی وزیر انسانی حق ڈاکٹر شیریں مزاری پارینے کہ پاکستان پینل کوڈ 1860و کوڈ آف کریمینل پروسیجر1898ٹی ترمیم نا کمک اٹ جبری گمشدگی ءِ ڈوہ اس گوندنگ نا ننا بل ایوان اٹ پیش مننگ کن اینو قومی اسمبلی نا ایجنڈاغاٹی ءِ۔ اسہ پین کمٹمنٹ اس پورو مس۔ جمعہ نادے آ تینا اسہ ٹویٹ اسے ٹی ڈاکٹر شیریں مزاری پارے کہ دااِراسال نا مشکل سفر مسنے ولے وزیراعظم عمران خان نا آخبتی مخ تفی دادے ممکن کرسا نشان تس۔ اسہ پین ٹویٹ اسے ٹی ڈاکٹر شیریں مزاری پارے کہ پنچ شنبے نادے آ قومی اسمبلی ٹی پیش کروک آ کاریم نا جاگہ غا زالبول آتا زیزاریفنگ نا برخلاف (ترمیمی)بل، 2021ءِ قائمہ کمیٹی انسانی حق آ گدریفنگانے۔ ننا ترمیم آتیان غاوتروک، ملازم، آجر و زیزاریفنگ نا تعریف آتے ٹی ترمیم مسنے تانکہ کانود نا دنگ ءِ بھلن و کانود اٹ ساڑی لیکونا ءِ سہی کرسا آخبت اٹ دادے پین سوگو کننگ مرے۔
