لاہور۔ 28 مئی (اے پی پی) گورنر پنجاب چوہدری محمد سرور تون امریکی سینیٹر کرس وین ہالین اوڑدہی کرے۔ گورنر پنجاب امریکی سینیٹ نا کمیٹی ٹی پاکستان نا زرگزرانی ریلیف کن ایلو امریکی سینٹر آتون اواری اٹ بل جمع کرفنگ آ کرس وین ہالین نا کڑد انا ستا ءِ کرے۔ گورنر ہاؤس آن جاری اعلامیہ نا رداٹ دورہ امریکہ ٹی گورنر پنجاب چوہدری محمد سرور تون امریکی سینیٹر کرس وین ہالین اوڑدہی کرے وخت اس کہ داوخت آ امریکہ ٹی پاکستان نا سفیر اسد مجید و امریکی ڈیموکریٹک راہشون باسک طاہر جاوید تون اوار ایلوفک ہم ساڑی ئسر اوڑدہی ٹی پاک امریکہ تعلقداری، کشمیر نا ویل، فلسطین نا ویل اتون اوار ڈیہہ نا حالیت و دہشت گردی نا برخلاف جنگ اتون اوار ایلو باندات نا بارواٹ گپ وتران کننگا۔ گورنر پنجاب امریکہ ٹی سفارتی پڑ آ پاکستانی سفیر اسد مجید و ڈیموکریٹک راہشون اوورسیز پاکستانی ڈاکٹر جاوید نا کڑد انا ہم ستاءِ کرے۔ امریکی سینیٹر تون گپ وتران کرسا اوپارے کہ دنیا ٹی امن نا کسر کشمیر نا ویل و فلسطین نا ویل انا ایسری آن پیش تمک، بھارت واسرائیل بنداوی انسانی حق انا کشت وخون ءِ کننگ ءُ اوفتے توروئی مریک امریکی صدر جوبائیڈن کشمیر نا ویل انا ایسری نا قول کرینے اودے مرے کہ او اینو کشمیر نا ویل اتون اوار اوار فلسطین نا ویل ءِ ہم ایسر کرفے چوہدری محمد سرور پارے کہ وزیراعظم عمران خان نا کماشی ٹی پاکستان امن تون سلوک ءِ دہشت گردی نا برخلاف جنگ اٹی ہم پاکستانی فوج و ننا ایلو سیکورٹی فورس آتون اوار اوار الس غٹ آن زیات قربانی تسنو و اوغان امن عمل اٹی ہم پاکستان تینا زمواری تے پورو کننگ ءِ پاکستان غٹ ہمسایہ ملک آتون گچین و پرامن تعلقداری نا پالیسی آ ہِننگ ءِ۔
