اسلام آباد۔ 28 مئی (اے پی پی) وزیراعظم نا نمائندہ خصوصی مذہبی ہم آہنگی و دے ٹک نیامی و پاکستان علماء کونسل نا چیئرمین حافظ محمد طاہر محمود اشرفی پارینے کہ اقوام متحدہ نا انسانی حق کونسل اٹ اسرائیلی ظلم انا برخلاف او آئی سی نا کمک اٹ قرارداد مسلم امہ نا وحدت نا علامت ءِ، پاکستان اسلامی کمکار تنظیم نا پلیٹ فارم آن مسلم امہ نا ویل آتا ایسری نا خواہندار ءِ۔ جمعہ نادے آ تینا اسہ بیان اسے ٹی حافظ طاہر محمود اشرفی پارے کہ وزیراعظم عمران خان نا مسلم امہ نا ویل آتے ٹی اسیجائی موقف ءِ تینا کننگ نا جہد ءِ سرسہبی ملنگ ءِ۔ کشمیرو فلسطین تون اوار غٹ ویل آتا ایسر مسلم امہ نا وحدت و سیوت اٹ ممکن ءِ۔ اوپارے کہ اسلامی کمکار تنظیم سعودی عرب نا کماشی ٹی پن سوگو مریک۔ اسلامی ملک آتا تین پہ تینی جھیڑہ غاتے ہم اسلامی کمکار تنظیم نا پلیٹ فارم آن ایسر کننگ نا کوشست کننگے۔
