اسلام آباد۔ 27 مئی (اے پی پی) بنجائی وزیر قومی غذائی رکھ و پٹ وپول سید فخر امام تون پاکستان اٹی کوریا نا سفیر سوہ سانگ پیواوڑدہی کرے۔ پنچ شنبے نادے آ اسلام آباد اٹی مروک آ اوڑدہی ٹی پاک۔کوریا تعلقداری تون اوار تین پہ تینی است خواہی نا باندات و غذائی رکھ و پٹ وپول نا بشخ اٹی ہڑتوم آ کنڈآتا کمکاری آ گپ وتران کننگا۔ ہڑتوم آ راہشونک کشاری بشخ اٹی ہڑتوم آ کنڈآتا کمکاری ءِ پین مون آ دننگ نا عزم انا درشانی ءِ کریر۔ داکان بیدس ہڑتوم آ ملک آتا نیام اٹ ہڑتوم آ کنڈآتا تعلقداری ءِ ودفنگ آ ہم امنا کننگا۔ داوخت آ سید فخر امام نا پاننگ ئس کہ پاکستان کوریا تون ہڑتوم آ کنڈآتا تعلقداری تے قدر انا نظر اٹ ہرک و اوفتے پین سوگو کننگ نا خواہندار ءِ۔ سیدفخر امام پارے کہ پاکستان و کوریا نا نیام اٹ واپار و تعلیم نا پڑاٹ شونداری نا بھلو وارخواہی اس ارے۔ہڑتوم آ ملک آتا سرکڑدہ غاک واپار نا مون آ دننگ و تعلیم نا بشخ انا شونداری کن طالب علم آتے کن پروگرام نا بناءِ کیر۔
