کراچی۔ 27 مئی (اے پی پی) گورنر سندھ عمران اسماعیل تون بنجائی وزیر داخلہ شیخ رشید احمد گورنر ہاؤس اٹی اوڑدہی کرے۔ گورنر ہاؤس آن جاری کروک اعلامیہ نا رداٹ اوڑدہی ٹی سندھ اٹی برجا سیاسی و امن و ایمنی نا حالیت آتون اوار تین پہ تینی است خواہی نا ایلو باندات آ گپ وتران کننگا۔ اوڑدہی ٹی بنجائی وزیر داخلہ شیخ رشید احمد پارے کہ صوبہ سندھ اٹی امن و ایمنی ءِ بھس کروک آتا برخلاف سخت کارروائی کننگک و امن و ایمنی ناحالیت آتے برجاتخنگ کن غٹ تر گام گیج آتے پک کننگک۔ داوخت آ گورنر سندھ عمران اسماعیل پارے کہ صوبہ سندھ انا شونداری و شونہالی ٹی اڑاند شاغوک آ غٹ زموار آتے چٹفنگک۔
