اسلام آباد۔ 27 مئی (اے پی پی) وزیراعظم نا خصوصی کمکار امور نوجوانان عثمان ڈار پارینے کہ مستین نا حکومت آک 10 لکھ لیپ ٹاپ آ 50 ارب روپئی خڑچ کریر وخت اس کہ ننا حکومت لیپ ٹاپ آتا مقابلہ ورناتیا زیات زرکاری کرینے، اسہ کورس آ 70 ہزار آن یک و نیم لکھ روپئی خڑچ کننگ انگ ءِ، وزیراعظم عمران خان نا وژن نا رداٹ پاکستان نا ورناتے کن روزگار نا وارخواہی ودی کننگ اولیت ءِ۔ داخیال آتا درشانی ءِ او نیشنلیونیورسٹی آف ٹیکنالوجی ٹی سرسہب ورنا پروگرام نا رداٹ سند آتا دود آن تران کرسا کرے۔ بنجائی وزیر سائنس اینڈ ٹیکنالوجی سینیٹر شبلی فراز ہم داوخت آ ساڑی ئسک۔ وزیراعظم نا خصوصی کمکار پارے کہ سرسہب ورناپروگرام نا رداٹ ہراورناک اولیکو بیج ءِ پورو کرینو اوفتے مبارکبادی ایتیوہ۔ وزیراعظم نا پارتءِ کہ ورناتے سرسہب ورنا پروگرام آن فائدہ ہرفنگ نا سلہ خلنگے تانکہ زیات آن زیات ورناک داپروگرام آن فائدہ ہرفسا تینا ذریعہ معاش اس دوئی کننگ کیر۔ اوپارے کہ پاکستان نا ورناتے سرسہب ورناپروگرام آن سرسہب مرسا خنسا خوشی مریک۔ پاکستان نا خوانوک آ ورناک ٹائیگر فورس اٹ خذمت سرتسر۔ عثمان ڈار پارے کہ ورناک دا ملک انا نہادی میرات ءُ مستین اٹ اسہ حکومت اس ہم بڑزکو تعلیمی وظیفہ و ورناتا تربیت آ چکار کتوہرانا سوب آن 20 لکھ ورناہرسال تعلیم ءِ پورو کننگ آن پد نوکری نا پٹنگ اٹ سرگڑداں مریرہ۔ عثمان ڈار پارے کہ نن لیپ ٹاپ نا جاگہ غا ورناتیا زیات زرکاری کرین و اوفتے روزگار نا وارخواہی ودی کننگ نا کنڈآن چکان۔ سرسہب ورناپروگرام نا رداٹ نن ورناتیا پیسہ خڑچ کننگ خوانہ تانکہ اوفتے کسب کار کرسا روزگار کننگ نا قابل کننگ مرے۔ اوپارے کہ غٹ پروگرام تے شفافیت و سیاسی نیام تمنگ آن بیدس چلیفنگ انگ ءِ داسکان ورناتا سیاسی وابستگی ءِ خننگ تنے۔ اوپارے کہ حکومت غٹ ءِ نوکری تننگ کپک، حکومت نا کاریم ورناتے جوان ءُ چاگڑد اس تننگ و آسانی ودی کننگ نا ءِ۔ اوپارے کہ جرمنی جاپان بھس مننگ آن پد تینا مخلوق ءِ کسبکار کننگ آ کاریم کریر و سپر پاور مسر۔ اوپارے کہ ہراحداسکان مننگ کیک ورناتیا زرکاری کننگک۔ اوپارے کہ کورونا دین انا جہانی دین اٹی خوانوک آ ورناک حکومت نا کمک ءِ کریر۔
