اسلام آباد۔ 27 مئی (اے پی پی) بنجائی وزیر سائنس و ٹیکنالوجی سینیٹر شبلی فراز پارینے کہ سرسہب ورناپروگرام اسہ انقلابی گام و ساڑی حکومت نا فلیگ شپ ءُ پروگرام اسے۔ حکومتی گام گیج آتیان آئی ٹی برآمد آتے ٹی ودکی مسنے۔ او پنچ شنبے نادے آ نیشنلیونیورسٹی آف ٹیکنالوجی ٹی سرسہب ورناپروگرام نا رداٹ سرٹیفکیٹس نا بشخنگ نا دود آن تران کریکہ۔ وزیراعظم نا خصوصی کمکار عثمان ڈارہم دود اٹی ساڑی ئس۔ بنجائی وزیر سائنس و ٹیکنالوجی شبلی فراز پارے کہ مستین نا حکومت آتا پالیسی تیان پاکستان بھاز پدی سلیس وخت اس کہ پاکستان آن پد اٹ آجوئی دوئی کروک آ ملک آک مون آ ہنار۔ اوپارے کہ ننا آبادی نا اسہ بھلو بشخ اس ورناتا ءِ۔ ورناتے تعلیم و کسب فراوان کرسا ملک ءِ راجی و اقتصادی شونداری آن ہمکنار کننگ مریک۔ ننے تینا ورناتے شونداری کن درکار کسب آن آراستہ کروئی ءِ۔ شبلی فراز پارے کہ ساڑی حکومتیپالیسی تیان ننا آئی ٹی برآمد آتے ٹی ودکی مسنے۔ بنجائی وزیر پارے کہ مستین اٹ پالیسیک چلینگارہ ولے داحکومت اولیت آتا تعین ءِ کرے۔ اوپارے کہ سرسہب ورناپروگرام اسہ انقلابی ءُ گام اسے۔ پوسکن آ چین داوارخواہی تیان پبی فائدہ ہرفسا ملک ءِ مون آ دروئی ءِ۔ ننا دا پروگرام غٹ سیاست آن ایڑتر ءِ۔ وزیراعظم نا خصوصی کمکار امور نوجوانان عثمان ڈار دود آن تران کرسا پارے کہ سرسہب ورناپروگرام نا رداٹ ورناک اولیکو پروگرام ءِ پورو کریر۔ سرسہب ورناپروگرام نا رداٹ ورناتے سرسہب خنسا بھاز خوشی مریک۔ اوپارے کہ مستین اٹ 10 لکھ لیپ ٹاپ آتیا 50ارب خڑچ کننگا۔ سرسہب ورناپروگرام نا کمک اٹ اسکلز سکالرشپ تننگ اُن۔ ورناتے کسب نا فراوانی کن اسہ کورس آ ہفتاد ہزار آن یک و نیم لکھ روپئی خڑچ کننگ انگ ءِ۔ سرسہب ورنانا ہڑتوم آ پروگرام تے شفافیت اٹ چلیفنگ انگ ءِ، داپروگرام نا رداٹ ورناتا سیاسی وابستگیءِ ہُننگپک۔ خصوصی کمکار پارے کہ 20 لکھ ورناک ہرسال جاب مارکیٹ آ بریرہ۔ ننے ورناتے مہارت تروئی ءِ تانکہ او تینٹ کٹنگ کیر۔
