اسلام آباد۔ 27 مئی (اے پی پی) اسلامی نظریاتی کونسل نا چیئرمین ڈاکٹر قبلہ ایاز کونسل نا شعبہ تحقیق ءِ پارت کرینے کہ او ریاست مدینہ نا بابت سلاہ وسوج آتے حتمی دروشم اس ایتے تانکہ اوفتے وزیراعظم نا مون آ پیش کننگ مرے۔ اسلامی نظریاتی کونسل نا کنڈآن پنچ شنبے نادے آ جاری بیان نا رداٹ ڈاکٹر قبلہ ایاز پارے کہ اسلامی نظریاتی کونسل نا باسک آک وزیراعظم نا دابیان و گام گیج آتا ستاءِ کرینو ہرا او جہانی کہول آ اسلاموفوبیا نا تور و توہین رسالت نا واقعہ غاتا توننگ کن کننگ ءِ۔ اوپارے کہ اقوام متحدہ ٹی اونا تقریر و اوٹی مسلمان راہشون تیان رسول اکرم ﷺ نا اہانت آمیز خاکہ غاتے بند کرفنگ کن جہانی فورم تیا گچین توار بڑز کننگ نا بارواٹ وزیراعظم نا موقف نا پبی تائید ءِ کننگا۔ کونسل نا باسک آک وقف املاک ایکٹ نا بارواٹ وزیراعظم نا پرمان آ کمیٹی اس جوڑ کننگ نا ستاءِ کریر و اومیت ظاہر کریر کہ دا کمیٹی زوت تینا سلاہ و سوج آتے تیار کیک و دا ویل ءِ جوانی اٹ ایسر کننگک۔ چیئرمین اسلامی نظریاتی کونسل شعبہ تحقیق ءِ پارت کرینے کہ او ریاست مدینہ نا بابت سلاہ و سوج آتے حتمی دروشم اس ایتے تانکہ اوفتے وزیراعظم نا مون آ پیش کننگ مرے۔
