اسلام آباد۔ 27 مئی (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد سندھ و خیبرپختونخوا ٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 75 مرک مس ہرافتیان 36 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 2 ہزار 726بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تے ٹی وینٹی لیٹر آتیا کوویڈ۔ 19 نا ناجوڑ آتا کچ انا لحاظ اٹ ملتان اٹی 66 درسد، لاہور اٹی 42 درسد، پشاور اٹی 34 درسد و بہاولپور اٹی 38 درسد ناجوڑ ءُ۔ ہنداوڑاٹ ملک انا چار بھلا شار تے ٹی آکسیجن نا آسراتی والا کٹ آتیا کوویڈ۔ 19 نا مثبت کیس آتا تناسب نا لحاظ اٹ بہاولپور اٹی 37 درسد، صوابی ٹی 40 درسد، گوجرانوالہ ٹی 46 درسد و ملتان اٹی 54 درسد ناجوڑ ءُ۔ تدوک آ 24 گھنٹہ ٹی کوویڈ۔ 19نا 62 ہزار 706 ٹیسٹ کننگا ہرافتیان سندھ اٹی 22 ہزار 43، پنجاب اٹی 24 ہزار 914، خیبرپختونخوا ٹی 7 ہزار 771، اسلام آباد اٹی 5 ہزار 177، بلوچستان اٹی 1 ہزار 418، گلگت بلتستان اٹی 476، آزاد کشمیر اٹی 907ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 8 لکھ 31 ہزار 744 مسنے۔ بلوچستان، آزاد کشمیر و گلگت بلتستان اٹی کوویڈ۔ 19نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 502ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 59 ہزار 18 ءِ۔ مچ آ ملک اٹی کورونا دین آن زہمی بندغ آتا کچ 9 لکھ 11 ہزار 302ءِ ہرافتیان آزاد کشمیر اٹی 19 ہزار 8، بلوچستان اٹی 24 ہزار 823، گلگت بلتستان اٹی 5 ہزار 533، اسلام آباد اٹی 80 ہزار 779، خیبرپختونخوا ٹی 1 لکھ 31 ہزار 27، پنجاب اٹی 3 لکھ 37 ہزار 73 و سندھ اٹی 3 لکھ 13 ہزار 59 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 20ہزار 540ءِ ہرافتیان سندھ اٹی 4 ہزار 966مرک وخت اس کہ تدوک آ بیست ءُ چار گھنٹہ ٹی 22ناجوڑ ہسپتال آتے ٹی وخت اس کہ 2 ناجوڑ اُراتے ٹی قرنطینہ ٹی دادین آن زوال کریر۔ پنجاب اٹی 9 ہزار 899مرک وخت اس کہ تدوک آ بیست ءُ چار گھنٹہ ٹی 20 ناجوڑ ہسپتال آتے ٹی و 4 ناجوڑ اُراتے ٹی قرنطینہ ٹی دادین آن زوال کریر، خیبرپختونخوا ٹی 4 ہزار 9 وخت اس کہ تدوک آ بیست ءُ چارگھنٹہ ٹی 18ناجوڑ ہسپتال آتے ٹی وخت اس کہ اسہ ناجوڑ اس اُراٹی قرنطینہ ٹی دادین آن زوال کرے۔ اسلام آباد اٹی کل 751مرک وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتے ٹی دادین آن زوال کریر، بلوچستان اٹی کل 273مرک وخت اس کہ تدوک آ بیست ءُ چار گھنٹہ ٹی 2 ناجوڑ ہسپتال آتے ٹی دادین آن زوال کریر، گلگت بلتستان اٹی 107 مرک، آزاد کشمیر اٹی دادین آن 535مرک وخت اس کہ تدوک آ بیست ءُ چار گھنٹہ ٹی 3 ناجوڑ ہسپتال آتے ٹی دادین آن زوال کریر۔ داتم اسکان مچ آ ملک اٹی کوویڈ۔ 19 نا 1 کروڑ 30 لکھ 6 ہزار 326ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 639ہسپتال آتے ٹی 4 ہزار 496ناجوڑ درمان مننگ ءُ۔
