اسلام آباد۔ 27 مئی (اے پی پی) ٹیکسٹائل و پچ آتا برآمد آک اپریل 2021ء ٹی 231درسد آن گدرینگار۔ بنجائی ادارہ شماریات پاکستان (پی بی ایس) نا حساب وکتاب نا رداٹ اپریل 2020ء ٹی برآمد آتا کچ 403.833ملین ڈالر مسوسس ولے اپریل 2021ء ٹی برآمد آتیان زرمبادلہ نا دوئی کننگ 1.337ارب ڈالر اسکان ودا۔ ہنداوڑ اپریل 2020ء نا مقابلہ ٹی اپریل 2021ء ٹی ٹیکسٹائل و پچ آتا قومی برآمد آتے ٹی 933ملین ڈالر آن زیاتیعنی 231.17درسد ودکی ریکارڈ کننگانے۔ یات سلے کہ شعبہ ٹی ویلیو ایڈیشن نا مون آ دننگ آن برآمد آتا مالیت اٹی نمان ودکی مسنے وخت اس کہ جہانی منڈی نا گرج آتا رداٹ ٹیکسٹائلز انڈسٹری ٹی ویلیو ایڈیشن کن بھلو زرکاری اسے نا عمل برجاءِ ہراڑآن آخبت اٹ برآمد آتے ٹی پین ودکی نا گمان ءِ۔
