ریاض۔ 27 مئی (اے پی پی) سعودی عرب نا دارالحکومت ریاض اٹی سیل و سوات نا بحالی نا سرحال آ ڈیہہ نا سیل و سواتی سروک آتا کانفرنس بناکرے۔ سعودی حکومت سد ملین ڈالر فنڈ تننگ نا پڑو کرینے۔ سعودی نشریاتی ادارہ نا رداٹ ریاض اٹی سیل و سوات نا بحالی نا سرحال آ مروک آ کانفرنس اٹی سعودی وزیر سیل وسوات احمد الخطیب تران کرسا پارے کہ جہانی سیل و سوات نا بشخ اٹی بدلی و تنکی تتون مون تننگ کن سیل و سوات نا بشخ ءِ زیات لچکدار و پبی موقف اختیار کروئی مریک۔ اوپارے کہ دافنڈ افرادی و ادارہ جاتی کچ ءِ ودفوک آ اسکیم تیٹی بشخ ہلیک و دا سیل و سوات نا بشخ انا شونداری نا بابت تینا وڑنا اولیکو گام ءِ۔ احمد الخطیب نا پاننگ ئس کہ جہانی سیل و سوات ہمووڑ استوار و توانا مرے کہ او کورونا دین کون آ تنکی تا مقابلہ ٹی لچک نا درشانی ءِ کننگ کے۔ اوپارے کہ تدوک آ 14 تُو اٹی نن سیل و سوات نا بشخ اٹی مچ آ دنیا ٹی 6 کروڑ ملازمت ءِ گوہان، ہزار آ چنکا و بھلا کاروبار آک بند مسر یا اوفتا کاروباری سرجزآک معطل مرسا سلیسر و داغٹ کاروبار تا تعلق نجی بشخ اتون ءِ۔ سعودی وزیر سیل و سوات پارے کہ ساڑی حالیت آتے ٹی نن اسہ اسیجائی ٹریول پروٹوکول اس بایدے تیار کین۔ داوخت آ جہانی تنظیم سیل وسوات ریاض اٹی ریجنل آفس نا بناءِ کننگ نا ہم پڑو ءِ کرے۔
