اسلام آباد۔26مئی (اے پی پی): بنجاھی وزیر تہی کار شیخ رشید احمد کراچی ءِ 2 روچی تر ءُ تاب ءِ ھاترا رھادگ بوت۔ چار شمبے ءَ اسلام آباد ائیر پورٹ ءَ تران کنان ءَ آئی ءَ گوشت کہ کراچی ءَ ایمنی کار آنی سر ءَ چار ءُ تپاسی گرگ ءِ واستہ روگ ءَ انت، منی مشن ایوک ءَ ایمنی انت، کراچی ءَ ایمنی ءِ کار آنی جاور ھال آنی سر ءَ چار ءُ تپاسی گراں ءُ واپسی ءَ مزن وزیر ءَ را ایمنی ءِ کار آنی بابت ءَ رپوٹ پیش کناں، آئیء۔ گوشت کہ راچی ءَ ارزشتی ایں گند ءُ نند کناں۔ سر وزیر سندھ مراد علی شاہ ءَ گوں گند ءُ نند ھم کناں۔ وزیر ءِ تہی کار ءَ ایمنی ءِ جاور ھال آنی پد ءَ کراچی ءَ زوتیں دیوان ءِ گوانک ھم جتگ۔ وزیر ءِ تہی کار ءِ سروکی ءَایمی ءِ ھوالگ ءَ دیوان ریجنرز ھیڈ کوارٹر ءَ بیت۔ وزیر ءِ تہی کار کراچی ءُ سندھ ءَ ایمنی ءِ ھوالگ ءَ دیوان ءَ ارزشتی ایں پیسلہ کنت انت۔ وزیر ءِ تہی کار شیخ رشید احمد ءِ سر وزیر سندھ ءَ گوں گند ءُ نند مرچی پنچ شمبے ءِ سہب ءَ 10 بج ءَ بیت۔ گند ءُ نند ءَ صوبگ ءَ ایمنی ءُ بنجاھ ءَ گوں بندوکیں کار آںی سر ءَ چار ءُ تپاسی گرگ بیت۔ بنجاھی وزیر تہی کار شیخ رشید احمد ءِ گورنر سندھ ءَ گوں ون آن ون گند ءُ نند نیم روچ یک بج ءَ بیت۔
