لیہ۔26مئی (اے پی پی): مزن وزیر عمران خان ءَ گوشت کہ واھشت انت کہ ھمک شہری ءَ را ہیلتھ انشورنس ءِ آسراتی بہ رس ایت، دگنیا ءِ دگہ اچ ملک اے رنگیں آسراتی نہ دیگ ءَ انت، نوکیں ہسپتال جوڑ کنگ ءِ واستہ جندی شوبگ ءَ را دلبڈی دیگ بیت۔ شہر آنی شنگ ءُ تالانی ھما وھد ءَ بیت وھد ءِ دور ءُ گستائیں دمگ آنی تہ ءَ آسراتی مہ بیت دلگوشی مہ بیت، دیمروئی ءِ پڑ ءَ توامیں دمگ آناں ھوار کنگ لوٹ ایت، ڈاسکو آنی ھلاسپ ءَ کاروائی ءَ رینجرز ھم پولیس ءِ کمک ءَ کن انت۔ اے ھیالانی درشانی آئی ءَ چار شمبے ءِ روچ ءَ جان سلامتی آسراتی کارڈ ءِ پجاری ءِ مراگش ءَ گشتانک دیان ءَ کت۔ مراگش ءَ سر وزیر پنجاپ عثمان بزاد، صوبائی وزیر جان سلامتی ڈاکٹر یاسمین راشد، پارلیمنٹ ءِ باسک ءُ ایندگر آں بھر زوری کت۔ مزن وزیر ءَ گوشت کہ آ لوٹ ایت کہ ھمک ھاندان ءِ کرا ہیلتھ انشورنس بہ بیت، مرچی ءَ چہ 50۔ 60 سال پیسر پاکستان ترندی ءَ گوں دیمروئی کنگ ءَ بوتگ، دگنیا ءِ کجام ھم ملک ءَ روگ ءِ واستہ ویزہ ءِ پکار نہ بوتگ آ وھد ءَ برطانیہ ءَ کانود درستانی واستہ ھمگونگ ءُ ھمکچ ات ءُ برطانیہ یک گہبودی ریاست ءِ بوتگ ءُ آھودا توامیں مردم آناں سرکاری ہسپتال ءَ مپت ءَ علاج کنگ بوتگ، پاکستان یک گہبودی ریاست ءِ واستہ جوڑ کنگ بوتگ بلے بد بھتی ءَ مئے ملک گہبودی ریاست ءِ جوڑ بوت ءِ نہ کتگ۔ مزن وزیر ءَ گوشت کہ گریبیں مردم آنی واستہ علاج ءِ مپت ءَ آسراتی ٹوھیں نعمت انت، شوکت خانم کینسر ہسپتال ھم گریب آنی علاج ءِ واستہ جوڑ کنگ بوتگ چیا کہ کینسر ءِ علاج سک باز گران انت۔ آئی ءَ گوشت کہ دیمروئی ءِ پیکج ءَ چہ گریب ءُ بے روزگار آنی گر ءُ دار ءَ کمک رس ایت۔ مزن وزیر ءَ گوشت کہ دمگ ءَ ڈاکو آنی ھلاپ ءَ پولیس ءُ ریجنرز یکجائی ءَ کاروائی کناں۔ اے رد ءَ رینجز پولیس ءِ کمک ءَ کن انت۔ ایشی ءَ چہ پیسر مزن وزیر ءَ زچہ ءُ بچہ ہسپتال ءِ بن ھشت ایر کت ءُ جان سلامتی آسراتی کاٹ ھم بھر ءُ بانگ کت۔
