اسلام آباد۔ 26 مئی (اے پی پی) حکومت الس ءِ کورونا نا دین آن بچفنگ کن خصوصی گام گیج کننگ ءِ، مچ آملک اٹی ویکسی نیشن پلان آ عملدرآمد ءِ پک کننگ ءِ مچ آ ملک اٹی جوڑ ویکسی نیشن سینٹر آ الس ءِ ویکسین خلنگ انگ ءِ۔ چارشنبے نادے آ وزیراعظم نا خصوصی کمکار جان جوڑی ڈاکٹر فیصل سلطان اسلام آباد ایف نائن پارک اٹ ماسک و ویکسی نیشن سینٹر نا دورہ ءِ کرے۔ داوخت آ اوپارے کہ اسلام آباد اٹی ویکسی نیشن کن کم و ود 24 آن زیات سینٹر جوڑ کرینن۔ اوپارے کہ سینٹر آتا جوڑ کننگ نا مسخت اسلام آباد نا شاری تے ویکسین خلنگ اٹ آسانی فراوان کننگ ءِ۔ شاریک دا موقع غان فائدہ ہرفسا ویکسی نیشن کرفر۔ فیصل سلطان پارے کہ سینٹر اٹی ویکسی نیشن نا گچین آسراتی فراوان کننگ انگ ءِ، ویکسی نیشن سینٹر اٹ ہڑدے ہفت ہزار آن 10 ہزار بندغ آتے کن ویکسی نیشن نا آسراتی ساڑی ءِ۔ اوپارے کہ سینٹراٹی 25 ویکسین کاؤنٹر و 75 رجسٹریشن ڈیسک جوڑ کننگانے، کورونا دین آن بچنگ کن ویکسی نیشن کرفر۔ اوپارے کہ ماسک بینر و رکھی گام گیج آتیا سختی اٹ عمل کیر۔
