کوئٹہ۔ 26 مئی (اے پی پی) گورنر بلوچستان امان اللہ خان یاسین زئی پارینے کہ پاکستان نا آئین پاکستان اٹی رہینگوک آ غٹ اقلیت آتے بریبر حق، مذہبی آجوئی و سلاہ درشانی نا پورو حق تننگ نا ضامن ءِ و ہند ا آئین مذہبی بنداوتیا کس اسے تون امتیاز تخنگ نا موکل تفک۔ داخیال آتا درشانی ءِ چارشنبے نادے آ گورنر ہاؤس کوئٹہ ٹی اقلیت آتا حق اکن جوڑ کمیشن نا سروک ڈاکٹر محمد شعیب سڈل تون اوڑدہی ٹی گپ وتران کرسا کرے۔ داوخت آ گورنر بلوچستان پارے کہ ڈیہہ ءِ امن و آشتی نا وت جوڑ کننگ کن ایلمی، تین پہ تینی شرف، مذہبی رواداری و ہم آہنگی ءِ مون آ دننگ المی مسنے۔ گورنر یاسین زئی پارے کہ صوبہ بلوچستان اٹی مذہبی اقلیت آتا صوبہ ٹی تعلیم و جان جوڑی نا بشخ آتے ٹی قابل قدر خذمت ءُ و آخبت ہم ہندا گمان کننگک کہ غٹ اقلیت آک ملک و صوبہ نا زرگزرانی شونداری و سیاسی سوگوی کن تینا مثبت و تعمیری کڑد ادا کرساکیک۔ اوڑدہی ٹی ملک و صوبہ نا جم حالیت آتون اوار اقلیت آتا حق و واکداری تا پاسداری آ ہم شرہ مس۔
